مشكلتي مع حياتي الجديدة

السلام عليكم
هذي اول مشاركة لي وانا سجلت عشان اقولكم مشكلتي وتعطوني رايكم .
انا قبل اتزوج شخصيتي اجتماعية جداً واحب اسعد الناس واساعدهم وطول الوقت مبتسمه ولا احب النكد ، اهلي من النوع المتشدد شوي بس كنت انبسط بجمعة صديقات اروحلهم يجوني نتجمع فالدوام ف بيوتهم ف بيتي وهكذا يعني كنت انبسط باشياء بسيطة .
تزوجت شخص بداية الزواج كان شكاك لدرجة فضيعة يقفل عليّ البيت يفتش البيت لما يرجع من الدوام
يغار من كل احد بحياتي حتى اهله يسوي مشكلة لما ارد عليهم باسلوب حلو زي حبيبتي وقلبي وكذا ..
مد يده علي مرتين مرة ثاني شهر زواج ومرة رابع شهر ووصلت حتى انه يشك فيني اني اتعاطى شيء ويبغى يحلل لي ثم وصلت انه يشك في غرضي من الزواج اني ماخذته عشان بس ينفتح لي المجال؛ (
المهم وقتها دخلت احد من اهلي وانحل الموضوع وكل ذي الاشياء انحلت بس لما نتخاصم يسب بكلام زي حماره غبيه ووو ما علينا ... انا عايشة بمدينة بعيد عن اهلي ولا اعرف احد فيها وهو عنده هنا معارف قرايب واصحاب كثير وتحملت عشانه وقلتله من قبل انه انا معاك دايم وبتحمل اي شيء
بعد شهر من الآن عنده اجازة وبنروح للمدينة اللي فيها اهلي وصديقاتي بعد فترة طويلة جججداً وهذي اول مرة اشوفهم بعد الزواج فجأة يقولي مافيه روحه عند صديقاتك اللي يبغاك يجيك ولا امك تروح معاك حسيت انه رجع لموال الشك اول شيء صعبة اخذ امي معاي لجمعة بنات وصديقاتي كلهم بحي واحد وبعيد عني مرة ومو كل وحدة فيهم بتقدر تجي بس كلهم بمكان واحد يعني انا اقدر اروح وهم يتجمعون ببيت وحدة فيهم يعني زبدة الموضوع بنحرم من صديقاتي طول عمري لا تجي وحدة تقولي بيعيهم عشان زوجك حبيبتي هو ما باع اصحابه ولا بيبيعهم عشاني .
انا لو اكتب عن تفاصيل حركاته وتفكيره ومعتقداته يبغالي مجلد من المعاناة ..
الحين نجي للمشكلة الاكبر
من يوم ما تزوجت لين هذي اللحظة؟ ما مرت عليّ ثانية وحدة حسيت اني سعيدة ما بظلمه هو والله انه يحاول يسعدني بس كل شيء يسويه مااحسه يأثر نقطة فيني ! كل شيء ماله طعم كل شيء باهت احس اني مو انا مو حياتي مو طريقتي مو اي شيء! انا جاني القولون العصبي بعد الزواج يمكن لانه كل مشاكل الاهانات ومدة اليد والسب ووو كنت اكتم ما حبيت اي احد يعرف حتى صديقاتي ولا اي احد كاتمه بنفسي وحتى بكا ما ابكي .. المهم تصير مواقف تصير اشياء اي وحدة ثانية بتكون سعيدة جداً انا لا ولا نقطة مااحس بشيء!
اوقات يجلس هو يعبر انه لما يكون معاي هو اسعد شخص بالحياة وما يحتاج اي شيء ثاني ويسألني انتِ سعيدة معاي؟ اقوله ايه مرة بعدين انخنق احس اني بنفجر بكاء ليه هو مرة مبسوط وانا لا؟
كل شيء فيني ملخبط مدري ايش اقول
الاشياء اللي انبسط لما تصير ؟ لما يطلع لدوامه احس اني مبسوطة بدونه ، لما اتفرج فيلم ، مسلسل ، لما اكلم صديقاتي اختي امي وهكذا يعني اي شيء بدونه .
هدايا طلعات كلام حلو حنيه اهتمام ووو ولا اي شيء جالس يسعدني احس بتبلد
هو شخصيته غيور متملك عصبي جداً متشدد يمشي بقوانين بنمط حياة وانا شخصيتي احب الحرية احب الحياة مرة واحب السعادة والحياة المجنونة اللي مالها روتين والتهور
مشكلتي تتلخص في نقطتين واعتذر ان كلامي كثير
١. حياتي من يوم ما تزوجت ولا اي شيء له طعم
٢. يبغى يحرمني من صديقاتي طول عمري


الله يسعدكم اعطوني حل بعد ما تفكرون من جميع النواحي ، حل ما يظلمه ولا يظلمني .