مشكلتي مع خطيبي

السلام عليكم...



أنا عندي مشكله مع خطيبي ...


أنا لي 4 شهور مخطوبة ( مملكة ) ...

في أول 3 شهور كان خطيبي مرره مهتم فيني و مبسوطه و مرتاحه معاه ع الآخر...

بس الحين له شهر مو طبيعي....



طبعاً أنا أدرس بالكويت ... و خطيبي يشتغل بالجبيل..... و عادتاً أنزل الشرقية كل اسبوعين


قبل إذا نزلت أشوف الاستقبال الحار...... و حتى بمكالماتنا كان يتفاعل معي...يآخذ آرائي بكل صغيره و كبيره...


بس فجأة من شهر صار ماله حس!.....صار ما يتصل فيني أبد....لما أنزل السعوديه مايدري انا بالسعوديه و لا الكويت! ..... صار حتى اذا شبك بالمسن ...أشوفه أون لاين بالساعات مايكلمني.....



خلال الشهر الأخير كنت أنا أتصل عليه .... بس في أغلب الأحيان ما يرد علي!.... و حتى إذا رد مكالمة دقيقتين و يسكر :( ... و حتى إذا كلمته بالماسنجر نادراً يرد علي!.... و إذا رد دقيقتين و بعدين يختفي من غير لا يقول ( باي ) أو ( مع السلامه ) .....فجأة يسكت!.....حتى ان بآخر مره نزلت ما درى اني بالسعوديه و السبة ان ما يرد علي!...لدرجة ان صابني إحساس ان خلاص أبي أحقر...أقول لنفسي خلاص يا بنت لا تتصلي عليه خليه هو يهتم و يتصل!...خليه هو يهتم و يجي يشوفك و يجلس معك!!......للمعلوميه أهلي ما يدروا باللي قاعد يصير ...ما حبيت أقول لهم!....بس هم حسوا لأن لما نزلت آخر مره ما مر البيت!


و صار لي اسبوع ما أتصلت فيه أبد!.....هالشعور قاتلني ...أحس اني مشتاقة له ... عندي أشياء كثيره أبي أقولها ! :( .... بس زي ما قلت أبيه هو يهتم و يسأل....




إيش أسوي يا بنات ! :06: