اثقلي شوي
يمكن يكون مجمع كل مشاعره لين تتزوجون ويمكن يستحي ومو شرط الهديه على كل وقت والحمد لله هديتين تكفي حتى ان كانت بسيطه

واحمدي ربك وادعي ان الله يسخره لك

تدري يا حنين يا حبيبتي ذكرتيني بأيام خطوبتي
كنت اذا جا من غير هدية زعلت وقعدت بغرفتي ابكي
واذا تأخر علي قعدت ابكي
وحالتي حالة وعايشة حياتي نكد
وكان اللي مزود الطينة بلّة ان ماعندي احد اشكي له او يهوّن علي السالفة أتذكر خالتي اخت امي ليلة ملكتي قالت لي استغلي كل لحظة من لحظات الخطوبة بكرا ما راح تلاقي من هالدلع شي وانا عاد طبعا على طول قلبت افلام ابيض واسود وتخيلت رومانسيات ودلع وعالم كله ورود وشوكولا :27: بس طلع ابونا الرومانسية في جهة وهو في جهة
ماانكر كان يتكلم معاي زين بس دايم احس انه مشغول ومو منتبه لي
والله اقعد باليومين والثلاث اطبخ واجهز عشان لما يجي والا الملابس والميك اب والهدايا سويت شي ما عمره صار وبرضو مافي فايدة
وجا العرس وتزوجنا واتذكر اول ايام عرسي كانت طفش من جد حتى حركات المعاريس اللي خبري خبرك:42: كنت احس كنها عبء وهم من كثر العلاقة الرسمية اللي بيننا
تدري وحنا بالفندق اول ايام السفر كان يشبك اللابتوب ويقعد عالنت
وانا صرت ابكي ومنكدة عيشتي
بعدين شوي شوي بدا يفك ويمزح
وشوي شوي تغير الوضع
والحين الحمد لله سمن على عسل وربي مااقدر عن بعده ليلة (الله لا يغير علينا قولوا ماشاء الله:)) حتى اذا جا يسافر شغل قعدت ابكي وانشب له ياخذني
مااقولك صار مرررررة رومانسي وحركات بس صاير يفهم تقريبا رغباتي وانا صرت اعرف مزاجه
تدرين يا حنين يمكن هذه اول مرة اتكلم فيها مع احد عن ايام ملكتي لأن انا بطبعي دايم ساكتة وامي ماهي من النوع اللي يتكلم معانا بكل شي واخواتي صغار عني مااقدر اشتكي لأحد كنت بس اضحك واتصنع انه جاب لي وعمل لي
والحمد لله اني مااشتكيت وتكلمت لانه انتي راح تنسي مشكلتك والناس ما راح ينسوها وهذا حنا الحين الحمد لله perfect لدرجة هو نفسه يقولي لا تستعجلي موضوع العيال والخلفة ربي بيسهلها من عنده خلينا حنا نستانس ونشبع من بعض اول شي (القهر ان الكلام كله صاير على راسي يلا متى بتخلفي ومتى بتجيبي كني فقاصة فقيه اتوماتيك :()

عزيزتي اقولك اياها بجد ايام الملكة ماهي الحكم وبتعوضيها بأيام احلى واحلى بإذن الله
شوفي اذا هو ابن حلال وطيب ويخاف الله ويراعي حقه فيك خلاص خير وبركة
ربنا سبحانه وتعالى في كتابه يقول وجعل بينكم مودة ورحمة ما يقول جعل بينكم رومانسيات وغراميات
والله يا حنين العشرة تغيّر كل شي وحتشوفي ان شاء الله ربي يرزقك ويوفقك ويسعدك
انصحك تقرأي كتاب (الرجال من المريخ والنساء من الزهرة) حيساعدك كثير
ولا تكدري نفسك وتسوي مثل ما سويت انا

ويا شيخة وسعي صدرك وجهزي نفسك للعرس وخلاص

معليش طفشتك بكلامي الكثير بس بجد حسيت بمعاناتك وحبيت اشاركك ربي يسعدك ويفرجها عليك (ماحدش اخد منها حاجة)

وأنتي الله يصلحك يا حنين تبينة يجيب كل يوم هدية؟ أركدي شوي ...ترى الثقل زين
بعدين لعلمك يمكن 90% من الرجال كذا ::D جلوف .
إن شاء الله إذا تزوجتوا وصرتوا مع بعض يتعدل :arb:
الله يوفقك ويسعدك:39:

حنين يا عمري يا حبي لقلبك زعلانه ترا ما تسوى عليك الشغلانه وش رايك اللي ما جاب لزوجته الاهديه وحده في 7 شهور:44: بس الظلم شين كان يجيب كيكات وورود:26: بس انا قصدي على الهدايا الماديه ما جاب الا وحده وزعلت وضاق صدري وكنت احس انه ما يحبني والا بخيل وفكرت باللي فكرت فيه يعني الانفصال:10_1_103v بس وحده من خواتي الله يجزاها خير عقلتني وقالت الموصوع عليك بعد الزواج وكان الكلام الحلو ما اسمعه والمسجات عادييييه وبارده وممكن ارسله 3 رسايل ما يرسل الا1 يعني بالفصحى وضع لا يطاق
تخيلي 7 شهور ما قالي حبيبتي الا مره كنت ابكي واصيح بغرفتي لحالي لين ما تنفخت عيوني:eek:
وانا كنت اسمع المملكات وش يقولون عن(ما عرفت اجمع خطيب اجمعوها عاد)واموت قهر اللي تقول جاب وقال وسوا وما ادري ايش وانا اجمع بقلبي الين اوصل غرفتي وما كنت ابين لاحد بس يوم طقيت من الوضع قلت لوحده من خواتي :icon33:
يالله ذكرتيني بماساتي الله يسامحك
بس الحمد لله بعد الزواج على قول اختي اسراء تغير وصار يقول كلام حلو(ما اقول انه صار رومانسي بس صار اهون من قبل بكثييييييييييير) وكله على تعويدي (ما شاء الله علينا) تصدقين الا الحين قاعده اذله واقول انت خليت ملكتي اسوا ايام حياتي وهو يقول ما كنت اعرف واستحي مره خلااااااااااااااااااااااااااااااااص
اتمنى انك تتروين وتعقلين وتذكرين الله وعليك بالدعاء نصيحه اقولك اياها من قلبي