مشكلتي مع خطيبي

مساء الخير
اشكر طيبتي ع انها سمحت لي استعير عضويتها
أنا عمري 22 سنه و مملكه من 3 شهور تقريبا بواحد أكبر مني بـ 12 سنه بديت أكلمه من شهر ونص طلع مختلف عن تفكيري 180 درجه ، مهووس بالدراسه بشكل مو طبيعي ويبغاني زيه وغير كذا حسيت أنه بخيل من الهدايا اللي يجيبها ، يشاورني ويخالفني غير كذا يبغاني كامله أدرس واهتم ببيت وطبخ وواخلف واتثقف وادخل نآدي مرره شي صعب والله ، يززعل بسرعه ولا يرضى إلا بعد النكد عكسي تممماما ، كل كلامه عن الدراسه وكل شوي لازم يقولي اجتهدي خليك حريصه سوي وووو ) يحسسني اني ما افهم شي ، هو ماشاء بيكمل المآستر وأنا تووي أولى جآمعه .. المهم قبل فتره كان عندي اختبار وقالي خلاص انتي نامي وأنا أصحيك 3 الفجر تذاكري قلت له تعب عليك قال لا المهم دق ولا سمعت صوت الجوال وصحيت متأخره ع الساعه 5 أرسلت له وقلت دعواتك لي بروح الجامعه واختبر بعدين ع الساعه 7 قالت أمي دامك مآ ذاكرتي غيبي قلت أوكي ولا خبرته المهم دق الصباح وقلت برد وأقوله اني بالجامعه عشآن مآيقعد يسألني رديت وقالي كيف اختبارك قلت يعني ورجع يسألني انتي متأكده انك بالبيت قلت ايه وبعدين قفل ورجع دق الظهر قلت بعترف له دامه شاك المهم عصب وقال يلا مشغول وقفل وأرسلت له ع الوآتس اعتذار اني كذبت وطنش قعدت شوي ونآديته قلت يومكن رضي قالي نعم !! انقهرت من أسلوبه ولا عاد كلمته لأن من عادته مآ يقولي نعم يقولي هلا قعدنا 5 أيام إلا وهو مرسلي ع الايميل بحث سواه لي وكتب بس لأني وعدتك كملي الباقي عاد هنا طرطعت وقلت له شكرا خلصتها كلها من أمس .. جلسنا بعد 3 أيام وهو سآحب لا يدق ولا يرسل رجعت أرسله وبررت له موقفي واني مآغلطت إلا عشآن ماتزعل جلس يومين بعدين أرسل أنه مو زعلان ورضي من يومهآ ! ويقول انتي نآديتيني ورديت عليك ؤبعدين انتي اللي مآرجعتي تتكلمي .. طنشته 3 أيام قلت يومكن يحس ويعتذر رجع أرسل نفس الرساله بعدين كتبت له كلام طويل عريض عن انه ضآيقني بأسلوبه وان ذي أحلى ايام وتمنيت إن مآصار بينا خلاف رجع أرسل يقول انتي متناقضه وان المفروض الخطيبه ماتنادي خطيبها باسمه ! واني مزاجيه وقال بعد انتي السبب في اللي إحنا فيه ..
مقهوره والله إذا بأيام الخطوبه يعاملني كذا كيف بعد مانتزوج  
بنات أنا مو عارفه ووش أسوي استخرت 5 مرات ولا حسيت بشي 
 خآيفه أسوي شي واندم عليه 
أهلي كلهم يقولون ماندري عنك بكيفك 
والله محتااااره