مشكلتي مع خطيبي ساعدوني تكفووون

اثقلي اذا من الحين لسا ما صرتي ببيته راكضة وراه اجل كيف لما تتزوجين ايش تسوي

الرجال ما يحب البنت الي تركض وراه يحب الثقيلة

بالنسبة لكلام الحب والرومنسية اغلب الرجال كده ما يعرفونها

يابنت الحلال وسعي صدرك يمكن أنه مشغول أو شي
بعدين أغلب الرجال كذا ماعندهم كلام حلو ورومنسيه
وثاني شي خففي من المكالمات شوي خليك ثقيلة عشان يحبك أكثر
أشغلي عمرك بأي شي عشان ماتفكرين فيه دائما.........
يارب يسخر قلبه لك ويجعلك أحب وأجمل النساء عنده ويارب يجعل حياتكم كلها سعادة وراحة بال........
لاتنسيني ياقلبي من دعواتك..

مادري وش اقولك
بس الله يسخرله لك

صراحه اختي اللي يعينه شكلج من النوع الحنان وايد

كل سطر كتبتي فيه الومه كثير واسأله يعني بالعربي غثيتي الريال

اختي اعرفي انه الشخصيه الحنانه اللي كله تلوم وتسال تحبني ما تحبني ليش ما تسال ليش ما تتصل بيمل منج الريال ومب بس لانه ريال اي انسان حتى الحرمه لو عندها صديقه حنانه جذيه بتحاول تقطع علاقتها فيها انا اول وحده ما اطيق الناس اللي ليش ما تتصلين ليش ما تسالين مع انه الحمدالله ما مر عليه من هالشخصيه بس فعلا ما احب هالنوع من البشر

اسمحيلي قاسيه عليج بس صراحه انا ارتفع ضغطي وانا اقرا

اهتمي فيه بس بحدود خليه هو اللي يربع وراج عشان بتصل فيه ويسمع صوتج انتي بهالطريقه نفرتيه منج جان كل ما يكلمج بتحنين مثل العيايز ليش ما اتصلت ما تهتم وليش وليش احسه يضغط على نفسه عشان يتصل واذا تمت علاقتج فيه جذيه صدقيتي بتفقدينه

حسسيه انج تحبينه بس مب بهالطريقه انتي لازم تغيرين نفسج لا تلصقين فيه بهالشكل تراه بيمل شوفيلج هوايات شوفيلج صديقات حسسيه انه فيه اشياء ثانيه في حياتج الريال مشغول تبينه على طول احبج واحبج تراه اي ادمي تلوع جبده بعد فتره من هالطبيعه

خلي عمرج انسانه كول حبيه بس حبي نفسج اكثر خليه جزء مهم من حياتج بس مب كل حياتج احسج عايشه بس عشان مكالماته لا تراه بيحسج عاقه عمرج عليه

جربي تبعدي عنه شوي في رجال يحبو البنت الثقيله اللي تتغلى عليهم

ماراح تخسري شي ولاهو قدامك عشان تحسي لازم تتخاطبي معاه

ولاتاجلي اي شي من ناحية الزواج .....بس حسسية انك بعيده

وخليه يشتاق لك وصدقيني راح يشتاق ويتصل ..واذا سالك وينك

لاتقولي له انت وانت عشان كذا انا بعدت لا ابدااااا

قولي لا حبيبي عادي بس انشغلت وماحسيت بنفسي اني طولت واضحكي

خذي السالفه عاااديه جدا وسولفي واضحكي ولاتبيني له انك سويتها قاصدة

سوري طولت .....بس اتمنى اكون افدتك لاني مجربه الرجال داااااايما مشغولين ..:)