مشكلتي مع خطيبي .. عجززززت أفهم هلانسان .. أتعبببببني ي عااالم.. افيدوني

والله يختي مدري اش أقولك بس يمكن لسى ما تعود عليك او رأيه انه المكالمات مو ضروريه

انتي أساليه شوفي اش بيقول لك

ماشاء الله هذي قصة حياةكاملة
المهم الف مبروك وموفقه باذن الله
ثانيا نوعية خطيبك بما انه خجول هذا شي طبيعي
لانه ماله أي سوابق وهذا الشي من صالحك
فالافضل خليه كذا لحد ماتوصلوا لبعض وبتلاحظي تتدريجيا انه يتغير حاله للافضل بعد ماتتزوجوا
لان الانثى بطبيعتها ووجودها بجانب كل شي تغير كل مابحولها للافضل


دمتي بود ,,,

لازم تعرفين زوجك وطبعه ونوعيته
عادة الاشخاص الخجولين مثله لما يفصحون عن موقف مر لهم لشخص هم يحبونه
وهالموقف يعتبر ماضي اسود بحياتهم
هنا يبدأ يحس انه صغير بعينك , انه مو كامل , يحس انه انكشف قدامك
فـ يبدا باستخدام وسيلة الهروب عشان ما يضطر يكلمك و يحس بهالاحساس


الموضوع جدا صعب عليه صدقيني وهو ما يبي يحس انه اقل منك وانه مفضوح قدامك
وانتي ابدا نقية قدامه


عشان كذا من رايي عطيه فرصه يبعد شوي , يلملم نفسه وشخصيته وقوته
وبعدها يرجع لك ولمكالمتك
لما يكلمك وبعد ما يقفل ارسلي له مسج قولي جدا استمتعت بمكالمة اليوم + ما كان نفسي أقفل
صوتك ما ينمل من سماعه , الوقت معك يمشي بسرعه كعادة الاوقات الحلوة ع طول تمر
ومن هالكلام الي يحسسه انك مبسوطة معاه ...
فتره الملكة تعارف وتجانس بين الاشخاص فـ انتي حاولي تفهمي شخصيته واسلوبه وطريقته
يمكن لما يكلمك يتوهق ما يلاقي شيء يقوله فـ يوقف ويقول يلا بقفل
او انه يرتبك
او انه يحس نفسه ثقيل عليك ...
الله يوفقك يارب ويسخره لك ..

عطيه فرصه ولاتلاحقينه
اقطعيه فتره لين هو يتكلم من نفسه
ولاتعاتبيه ابدااا حسسيه انك مشتاقه له ومبسوطه معه واذا كمان تغزلتي فيه لاتقصري عشان تزيد ثقته بنفسه ...
خلي مبدأك معه ان خطى لك خطوه اخطي له انتي خطوتين وهكذااا

الله يصلحه لك ويسخر قلبه والف الف مبروك الله يتمم لك على خير
دعواتك حبيبتي

البنات ماقصرو

بس اضيف انه ماضيعنا ورجعنا لورا وجاب لنا المشاكل الا اننا نقارن انفسنا بصديقاتنا
ونفتح اذاننا لفلانه وعلانه وش صار معها ونعتقد انه لازم يصير معنا
ولازم قصص حب وغرام وقت الملكه .. معليش مايعرفك وتعرفينه الا من فتره قصيره ولا عاشرك عشان يطلع الكلام المعسول والتعلق

خطيبك شخصيته خجوله لا تقارنينه بأزواج صديقاتك واخواتك
وماهو حق بنات ومكالمات يمكن مايعرف ولا له خبره كيف يتعامل ويتصرف يمكن من النوع اللي لازم تطلبين منه الشي ، يمكن منتظر الزواج عشان ياخذ راحته معك

الاحتمالات كثيره
وتعوذي من الشيطان طالما ماصدر منه اي تصرف مباشر يأذيك ويضرك
واثقلي لا تصيرين مثل البنات الخفيفات اللي من اول يومين قالت احبه واموت فيه وماقدر اعيش بدونه واذا جينا للواقع ماتعرف عنه شي غير اسمه ووظيفته

وانتي لا تقطعين الرقيه الشرعيه والدعاء والاستغفار

اسأل الله العظيم ان يشرح صدرك وييسر امرك