مشكلتي مع خطيبي مضيقه صدري ...

انا متملكه من 4 شهور تقريبآ .. وخطيبي يجي يزورني بين فتره والثانيه يعني مو دايمـ لاصق عندي
بصراحه / خطيبي انسان طيب و حنوون وكمان يتيـم ,, بس فيه عيب واحد وانا قد قلته في موضوع لي بالمنتدى
>> انه شكاااك ,, يشك في تصرفاتي مع اني الحمدلله محترمه وبنت نااس ولااعطي احد فرصه يتكلم علي بنص كلمه
محترمه نفسي و محترمه تربية اهلي لي .. بس اعوذ بالله هالرجال جنني ولما ازعل يقولي > انا آغاار عليك
بس انا مااشوفها غيره ابدا .. شك ومرض
وصارت لي مشكله معاه قبل كم اسبوع واضطريت اكلم أمي بالموضوع وامي ماقصرت تفاهمت معاه بالتلفون ووضحت له انها واثقه فيني وماراح تعطي احد فرصه يقلل من احترامي وتربيتي ,, لأنه اناا اقول لأمي عن كل شي وواثقه فيني والحمدلله , وعارفه وين اروح ووين اجي .. غير اني مضطره اروح مع السواق لأنه ماعندي غير اخو واحد وبعيد عننا.
قبل يومين تصالحنا وزارني بالبيت ,, ولما جات امي تسلم عليه دقته شوي بالكلام انه انت غلطت ومن هالكلام يعني تلميح , لما طلعت امي وخلتنا لحالنا قام مسوي نفسه زعلان وراح اعطني زي الكف الخفيف ويقولي كله منك ..
>> مو كف قوي ( عشان محد يقول يضربك وانتي لسا مملكه ) هوا قصده يمزح وسواها معايا كم مره وكل مره كنت اقوله انا مااحب هالحركه ويقولي (( امززح)) انتي محد يمزح معاك >> قلتله امزح بس مو كدا لأنه إلي يتعود يمد يده بالمزح بيمدها عن غير مزح - عاد اليوم لما سواها عصبت مدري كيف ماحسيت بنفسي دفيت يده بقوه وصرخت فيه وطلعت من الغرفه وربي اني انصدمت من نفسي بس مدري وش جاني :( تنرفزت بشكل موطبيعي > بس من حقي لأنه نبهته كدا مره اني مااحب هالحركه .. احسها دفاشه
وبدون شعور دق علي عالجوال يقولي تعالي المجلس عيب لحد يحس من اهلك .. انا قلتله ماني جايه وخلاص اطلع روح بيتكمـ وكان بيعطيني مصروف رفضت آخذه :44: لما راح البيت اتصل وقعد يقولي / عيب إلي تسويه وانتي اصلا احسك شايفه نفسك عليا ومتكبره واذا ماتبيني قولي عادي ماراح أزعل !!
انا والله العظيم محتاااره .. الرجال طيب وحنون ودايما اكلمه واهتم فيه بس في شي احسه يبعدني عنه !! مدري هي تصرفته الهبله والا فعلا مايناسبني وانا اضحك على نفسي .. نفسيتي دمااار بس ابكي ودموعي تنزل لحالها
حتى بالصيف طلبت من اهلي نسافر اي مكان احس اني مخنوقه من هالموضوع ماني قادره افكر ....
سامحوني طوولت عليكمـ بس ماني عارفه وين افضفض .. وماابي امي تعرف وتكبر المشكله هي خلقه تعبانهـ