مشكلتي مع خطيبي والسناب

بنات انا اللي كتبت لكم امس عن سالفة خطيبي
ولد عمي وكان من قبل عندي وكان يحبني ويتواصل معي
كثير جاني رسايل ع الخاص بس ماقدر ارد الا هنا
اللي تقول اذا حاسه بشي انسحبي
انا ماحسيت باي شي من ناحيته يعني ادري
ان انستقرامه فيه بنات لاكن مايعرفونه
ولا بينهم علاقه معه ونفس الشي السناب الف بالميه
عنده بنات لكن ماقدر اقول شي الحين كل الشباب كذا !!
الي واثقه فيه انه يحبني
لكن امس قلت لكم اني بحثت عن سنابه
بحساب اختي ماطلع للأسف اليوم بحثت بجوال
اختي الثانيه وطلع لي !!
يعني يكذب علي كان لما قال مشفر!!
انا للحين مو فاهمه كلمة مشفر ايش قصده فيها
يعني تخيلو وكل بنت تحط نفسها مكاني
ان زوجك يجي يكلمك من سنابه العادي اللي انتي عنده
فجاه يقولك خوذي
ضيفي سنابي الجديد واحذفي
هذا وحرص على احذفي
انا بكل هباله قلت اوكي
قلت اسوي لك حظر يعني لهذا
قال خلاص امسحيه أحذفيه ايه
بعدين استوعبت
سالته لما قبلني بالحساب الجديد
قلت ليش وش فيه حسابك الاول ؟؟
قام يصرفني يقول والله مشفر جنني
كل شوي مطلعني ولا يوصلني محادثات
انا حسابي له الان ٧ سنوات
من اول ماطلع برنامج السناب ولا مره صار لي
اللي يقول عنه التشفير ليش هو بالذات ؟؟
اقسم بالله هالمره جد جد قلبي يقول انه كاذب علي
لدرجه ماقدرت انام فكره تروح وفكره تجي
مره اقول يمكن هذا جزاتي اني ناشبه فيه بزياده
لان نعرف بعض من زمان وكل شوي اكلمه
ومره اقول يمكن خايف من شي
ومره اقول يمكن بيحط شي مايبي اشوفه
بس فيه شي اسمه يشيلني من الستوري
بتقولون يمكن جد
سنابه تشفر بسبب برامج العيال اللي يسونها حفظ ومادري ايش
السؤال اللي من امس افكر فيه
لو سنابه جد تشفر
ليش لزم اني احظره من ذاك الحساب ؟
ليش قالي امسحي الحساب هذا ؟
كان يقدر يقولي ضيفيني هنا وهناك وخلاص
والله يابنات مدري وش اسوي لدرجه من امس
سفهته ماكلمته ولا ارسلت له مع انه بس يرسل
لي سناب خاص مقاطع وصور وانا مسفهه
هو متعود اني اكلمه وأعلق عليه وعلى اللي يرسل
لكن احس خلاص فيه شي براسي لازم اعرفه
والمصيبه الأكبر مادري هو حاس اني ساحبه عليه
عشان هالسبب ولا ولا على باله لو بمكاني
تصارحين؟
او تسكتين ؟
ولو بصارح وش تقوله لاني سالته ليش قلت لي
احذفك من ذاك وعطاني عذره بيقول نفس ماقلت لك