مشكلتي مع خواتي

السلام عليكم ورحمة الله و بركاته
مو عارفه من فين ابدأ بس بقول لكم مشكلتي بالمختصر
مشكلتي مع اخواتي لين الحين ما لقيت لها حل
خصوصا اختي البكر لاني الوسطانيه و عندي اثنين خوات كبار و اخوات اصغر مني اختي الكبيره عمرها 35 انا وياها كأننا اعداء او ضراير
ما اعرف كيف اتصرف معاها عقلها عقل طفل
انانيه و ماديه و حقووووده و ما تهتم الا نفسها و من تصرفاتها باين انها تكرهني
و بين هواشاتنا قهرتني لما قالت لي اني عاله عليهم
مع اني و الله طيبه معاها و احاول قد ما اقدر احترمها و اجاملها
و حالي حال نفسي
و اللي يخليها تتمادى اكثر امي توقف معاها حتى لو هيا على غلط
و هذا الشيء يكسرني و يحرق قلبي ولما اخواتي يتهاوشون معاها توقف بصفهم لان هيا على الغلط
مع اني اكثر وحده باره فيها ما تعدل ابدا و تظلمني
من جد كارهتها كره مو طبيعي هي الشخص الوحيده اللي اكرهها بحياتي
و الحين انا مقاطعتها من اكثر من سنتين و خايفه
من عقاب ربي لاني ما اكلمها مع اننا ببيت واحد
بس والله حاولت اعدل علاقتي فيها بس تسوء اكثر
ولنا متخاصمين و مو متفاهمين اكثر من خمس سنين
اما خواتي الباقيين والله ما اعرف ايش اقولكم
هم اكثر الاشخاص اللي يألموني مع اني احبهم كثير
يظهرون لي الطيبه و الود بس من ورايا الله العالم ايش يكلمون عني او يسونه لانه الكافر ما يسويه لاخوه
و انا كاشفتهم من اول بس ساكته لاني ما ابغى علاقتنا تتوتر و ما ابغى اتحسب عليهم مهما كان هم خواتي
والله مو عارفه ايش اسوي
اتجاهل كل شيء و اسوي نفسي مو عارفه شيء
او اخلي علاقتي فيهم رسميه عشان لا اتألم زياده
انا بحيره و دوامه
ربي يسعدكم حبيباتي ابغى نصيحتكم لان لي سنين ساكته و صابره
ودعواتكم لي ان الله يفرج همي و ييسر اموري
و يرزقني بالزوج الصالح اللي يعوضني على كل شيء عشته