مشكلتي مع خواتي

السلام عليكم
انا عندي مشكله من اول ما تخرجت لقيت نفسي في مشاكل مع خواتي كان سببها مجهول
تخرجت قبل سنتين وخطبني واحد ولد ناس
ما صار نصيب ما انكتب لي
بعدها قبت المشاكل بالبيت من خواتي قاطعوني
ما يكلموني وحده منهن اتهمتني بعرضي بنهار رمضان قدام امي
وسبب لي هالشي ازمه نفسيه يالله طلعت منها
وحده اكبر مني بس باقي انا وهي بالبيت ما تزوجنا وانخطبت وجاها نصيبها
طلعت على سالفه اقول وش هي مسكتني امي بحوش البيت قالت ترا الي خطبك تزوج وعرسه قريب مثل اختك
قلت الله يسعده وقامت تضغط علي امي بكلام لين سمعتني كلمه صدمتني قالت ترا بقول للناس انك رفضتيه انه كان خاطبك ورفضتي
وزعلت هنا وبكيت وهي حست ان الي قالته غلط وسكتت
وسمعتنا اختي العروس هذي كانت بغرفه جنب الحوش قالت ايه من الغيره مني تبكي!
وبس امي مع كل خواتي فيها طبع يا ليت ما كان فيها
امي اول ما تكون عندها بنت على وجه زواج تحط عليها الضغط والبيت والمشاكل وان ما تحملت قالت عنها منتي كفو
تسمعنا كلام وترا فلانه تزوجت وفلان اخذ فلان وتسبنا وتسب اجسامنا واشكالنا حتي لو وحده مننا مريضه تضحك عليها ولا تساعدها بعلاج ولا تشتريه
خواتي كذا قاطعوني فجاءه بدون مقدمات والحين كلهن متزوجات من سنه بس كل ويكند عندنا يراقبن امي وانا من خطبني من سال عني ولا يمدحني عند امي ابددددا
حاولت انهي المشاكل واعتذرت منهن ولا فاد زادت المشاكل وزاد الوجع
انا مريضه فيني قولون وضعف بصر والله اني رحت اكشف لضعف البصر محد معي ولا احد راح معي وكان يقولون لي من بياخذك انتي وناظراتك
الحين الوضع يضحكن علي وعلى مرضي وبشكل يومي ما يطفشن
وحده من بنت خوالي اصغر مني تزوجت راحوا حضروا العرس مدح فيها وتهبل ومنا زينها وفيها وما فيها وترا وترا
وهن اساسا متهاوشات معها ما يبنها بس لانه يعرفن ان نفسي اتزوج يسون كذا ويضايقنن بالكلام وحاولن يسون مشكله بيني وبينها تحت اساس اني ابي اتزوج ليه تزوجت قبلي تخيلوا ؟!!!
والحين لو اروح للحمام تكرمون طقوا على باب الحمام تراها احسن منك
وامي لو افتح معها موضوع عن اي احد
قالت ايه ماهم قليلين ادب مثلك
ايه تراها اجمل منك
ايه سنعه ماهم مثلك
ايه احسن منك يالوجعانه
تعرفون لما تتكلمون بطيب نيه بس الي قدامك يقلب الطاوله عليك
حتي يطلبن من مطاعم ويزرن بعض زيارات بينهن انا ما يتصلن علي ولا يهتمن لي ولحالي طول الوقت اطفش وامل
اعتذرت لهن قبل وحاولت انهي المشاكل هن رافضات قامن يطلعن لي مشاكل مرره بسيطه صارت من سنين والله انها بسيطه
بس طنشتهن وقلت خلاص هن مع مشاكلهن صارن يشفن اذا فرحت يسمعني كلام يوميا على العشاء والقهوه
محد ياخذ ضعيفة بصر محد ياخذ مريضه ويمسكن امي
ويخلنها تخاف وتشيل هم وانا اقولهن ترا امي تعبت نفسيتها مننا ومن مشاكلنا يقلن لي حنا ببيوت رجال انتي الي للحين بالبيت السمعه بتضرك انتي حنا ما راح يجينا شي وحنا قويات ما نخاف ترا
قسم انهن كذا يقلن لي
بالمقابل حتي لو سويت شي حلو ما يذكر ابد وصار لي شي حلو يزعلون وتضيق بهم
حتي امي اذا شافتني ما غلطت صارت تجي وتسمعني كلام يزعلني
كلام قوي انتي وجعانه انتي ليه تلبسين نظارات انتي ليه جسمك كذا
مانتي مزيونه مانتي حلو مانتي ابد لو ارد عليها تقاطعني وتكمل اكثر
بس احس خواتي وامي طبعهن شين ما يرضيهن شي ابدددد
احس طبعهن كذا شر ومشاكل ومجبوره اتحمل
الحين انا تعبت نفسيتي منهن لانهن موجودات معي بالبيت
يعني ما فيه مفر منهن
قولوا من الغلطان انا ولا هن
والله يرزقني بزوج صالح يسعدني ويعوضني خيرر
الوحيده من اهلي كاملين معي بنت اختي بس واختي الكبيره الباقين لا