شوفي عزيزتي ماالومك لما تدخلين بمعرف ثاني لأن فيه ناس هنا اسلوبها جدآ سخيف يعني تقط الكلام وتروح ماتدري ان فيه الف دعوه بتجيها وفيه بنات يقولون لك وجهة نظرهم لو كانت مش عاجبتك لكن بطريقه محترمه وراقيه يكفي انها تعطيك رايها باسلوب راقي .. عمومآ عزيزتي انا راح اكون من الفئه الثانيه شوفي عزيزتي بما انها كانت تقولك مشاكلها هذا يدل على ثقتها الكبيره فيك وراحتها لك وترى اصعب شي ان الزوجه تتخذ اخت زوجها صديقه >> الله يعيني على اراء الحريم المتناقضه وتعليقاتهم ..
المهم عزيزتي عادي ترى اي وحده تتخانق مع زوجها او تكون زعلانه تخليه اسؤ انسان بالدنيا لكن مجرد ماتهدأ يروح كل الكلام هذا يعني لاتزعلي من كلامها او تتضايقي وان شالله تتزوجي وتشوفي هالشي بنفسك ( الله يبعد عنك المشاكل ) ..
غير كذا بما انها اتخذتك صديقه وكانت تحكيلك كان المفروض تدقي وتسئلي عنها وتطمني عليها وتشوفي اخبارها .. وتخلي امك تكلم وتطمن عليها .. وراح ماتنسالكم هالموقف وبالذات انها كويسه معكم .. ولاتقولي مانحب المشاكل ولانبي ندخل فيها .. لا ياعزيزتي هذا اخوكم وهذا المفروض تكون واسطة خير والمفروض ماتهربون من هالامور ..اذا اقرب الناس هربوا ولاساعدوا ولاسعوا بالخير اجل وش نقول عن الناس البعيده .. عزيزتي انا اشوف معاها حق تتضايق وتاخذ بخاطرها .. انتم اهل الزوج وانتم الاقرب المفروض تكونوا معاها والمفروض امك كلمتها وكلمت امها وتشوف وش صاير وتكلم اخوك.. أجر وفيها سعي بصلح بين زوجين وفيها تقارب وموده ومحبه لجميع الاطراف .. اما كل واحد يهرب ويقول انا مااحب ولاابي اتدخل ولالي شغل اجل مين اللي له شغل ؟ انتم اقرب الناس للرجال.. كان المفروض رفعتوا التليفون عليها وامك كلمت امها او كلمتها عشان القلوب تصافى وتصير بيضاء واذا مارفع قدركم هالشي عندها وعند اخوك ماراح ينقصه .. هذا كل اللي عندي حسب ظروف اخوي مع زوجته وحسب تعاملنا .. وان شالله ماتشوفون الا الخير..

اولا لازم تردين غيبه اخوك لما احد يجيب طاريه بشئ ,
عدم ردك عليها من الاول خلاها تستقوي
ثانيا قالت طز فيكم ردي عليها بالمثل وتناسيها , لاتكلمينها لانها بتستقوي اكثر وبتحس انها مهمه
احقريها والمفروض اخوك يجبرها تزور الوالده وتسلم عليها وحتى لما تجي مو ضروري تطلعين لها ولو طلعتي سلمي وارجعي لغرفتك خليها تحس انها شمتي عنها

هذا اللي باسويه لو كنت في مكانك صراحه

السلام عليكم..

شوفي يالغاليه..

انا من رأيي انك تبتعدي شوي هالفتره وخذي موقف من اللي سوته معك لا تكلمينها ولا تروحين لها..وهي راح تحس بخطأها وبتراجع نفسها لأنك لو رحتي وكلمتيها وخليتي الوضع عادي وكأن شئ ماصار راح تتمادى اكثر واكثر..

راح يجي يوم وتتقابلون اذا كلمتك قولي لها كل اللي فيخاطرك وانا راح اقول ايش قولي لها... قولي

( يافلانه انتي انسانه لك معزه واحترام وحشيمه وقدرك مرفوع زوجة اخوي وعلى العين والراس... ابسألك عمرك شفتي مني غلطت في حقك..؟؟ .. عمرك لقيتي مني معامله شينه مني ومن امي ..؟؟.. << هي بتقول لك ( لا)

قولي: طيب ليش تقولين ان حنا مانقدرك ونقدر العشره .. كل مافي الموضوع ماحبينا نقولك تجين عشان المشاكل اللي صارت بينك وبين اخوي .. واحنا والله مانقصر معك في اي مناسبه او اي عزومه او طلعه نقولك تعالي... لكن خلاص اذا كان على قولتك الوجه من الوجه ابيض فخلاص على راحتك لكن تأكدي تماما ان مكانتك في قلبي لازالت موجوده واحترامك لازال موجود ...


صدقيني يااختي بمجرد ماتقولين هالكلام راح تستحي على نفسها وتعتذر . بس زي ماقلت لك خذي موقف..


وبتوفيق :)

موقفك صح

ولا تدخلين بمشاكلهم

يزعلون يرضون يطّلقون حياتهم وهم حرين فيها

اما انك تشيلين هم زعلهم ويارب متى يرضون بطقاق عمرهم مارضوا


ومرة اخوك زعلانه عند اهلها والكل عارف بالقصه
وتبي تجي في الاستراحه !!!

سبحان الله وضعك مشابه لوضعي
انا مو متزوجه وعندنا حريم اخوان احيانا يمشكلون وتصير مشاكل
اذكر ان اختي مره بتصالح بينهم دخلوها بمشاكل هي بغنى عنها
الي سويتيه صح مشاكل بسيطه وتنحل وانتم لكم حق ماتدخلوتو يعني لو المساله واصله للطلاق لازم تتدخلون للاصلاح ولمن غيره ليش تتدخلون وكثر الله خيرهم الي مازدتوا النار حطب مثل بعض اهل الازواج الي عسى مازعلت الزوجه الى كبروا راس زوجها
طيب هي تشرهت عليكم انكم ماتدخلتوا بالمشلكه طيب هي ماتذكركم الا بالمشاكل ليه وقت الاتمشيات والتنزه والسفر ماتذكركم
وامك هالمره الكبيره مو من حقها ترتاح في اخر عمرها من هموم المشاكل
الحين الي عليك تكوني رسميه وعادي معاها
ولاتشرهين عليها ولا شي
وصدقيني هي بتحس بغلطتها وتتحسف
بس لاجتك تشتكي مره ثانيه قولي فلانه انا مااتدخل بمشاكلكم انتم ناس كبار وحلوا مشاكلكم بينكم ومو حلو احد يتدخل بينكم