مشكلتي مع زوجة صديق زوجي

بنات باختصار الموضوع وما فيه

زوجي له صديق عزيز عليه جدا ومن زمان أصدقاء والشهادة لله الرجال خدوم ومن يوم ما تزوجت ما شفت منه أي شي سيء أبدا مع زوجي ... لكن المشكلة عندي زوجته وما أدراك ما زوجته ... زوجته كتير صغيرة بالعمر وكل ما جلست معها ما بتتكلم إلا عن الطبخ والأولاد ووووو سواليف كلها نسوان في نسوان ما بتعرف شي بالدنيا لا أخبار ولا ثقافة ولا مواضيع عامة أبدا ... حتى مواضيع دينية ولا شي صفر .... والمشكلة لما أجلس معها بتبلش تعطي نصائح عن البيت والأطفال والذي منه مع إنه أنا أكبر منها وأنا والله مش هاد إلي بنكدني لأنه ممكن فعلا تكون أصغر لكن عندها خبرة بشي أكتر مني لكن المشكلة إنها ما بتعرف شي وبتكابر وبتطلع علي بالعالي وبضطر أسكت .... ولما آجي أحكي بموضوع ديني أو فقهي أنا قارئة عنه ومتأكدة جدا منه بتبلش تحكيلي هاد مش صحيح وهادول أعداء الاسلام إلي بروجو لهاي الأفكار أو إلي بدهم التفريق بين المرأة والرجل ومن هاد الكلام وبس أرجع للبيت برجع بتأكد من مصدري لإنها من اصرارها على مواقفها بتشككني بحالي فبرجع لصحيح مسلم لإنه عندي بالبيت أو كتاب الفقه إلي قرأت الموضوع منه وبكون أنا صح والله ولا مرة كنت أنا غلط ... ولحتى أقرب لكم الصورة متلا هي عندها بنت بيبي صغيرة فمرة بقوللها إنو بول البنت لو جاء على ملابسها لازم تغسله قالتلي لا بس برش فوقه ماء رش قلتلها لا يا بنت الناس في حديث واضح إنه الولد الذكر إلي بكفي ترشي فوق ماء بس البنت لازم يغمر بالماء وبعدها ما قدرت أخلص منها وهي تقول هادول أعداء الاسلام الي بحكو هيك ومش عارف ايش وطبعا هاد موقف واحد بس من ملايين المواقف ... وأخرها يا بنات عزمونا برمضان ورحنا وأفطرنا أنا وزوجي فحزنت عليها لأنها وحدها وقلت بقوم أساعدها بالجلي حرام لوحدها وعندها بيبي ما رح تخلص جلي للصبح ويا ويلي من الي شفته أقسم بالله يا بنات وقفت هيي تليف الصحون وأنا على أساس أشطفهم وراها بس يا بنات ما تحملت اعتذرت بعد مدة بسيطة ورجعت للمجلس ... يا بنات جلت كل جلي العزومة بأقل من نصف ساعة وما حطت فيري إلا أول ما بلشت على الليفة مباشرة وجلت بعدها بالليفة كل الجلي وأنا لما كنت أشطف كلشي مدهن ومقرف وحتى لما فتحت فرنها تحط بواقي الطعام فيه مقرف جدا من الداخل مع انه ما صارله عندها الا أقل من سنة ونص لأنها متزوجة من هاي الفترة ...

بعد كل هاد فررت أقطع علاقتي بها وخلص بس علاقة زوجي مع زوجها لإني ما بنسجم معها بأي شي وكمان صرت أقرف أكل أو أشرب من بيتها أي ضيافة لكن المشكلة صارت زوجي مش عاجبه الوضع وصرت كل ما رفضت أروح معه عندهم يعملي مشكلة ويقللي انتي شايفة حالك على الناس وبدك أصحاب تفصيل على كيفك ومن هاد الكلام وأنا ما بدي أستغيب الست وأحكيلو الأسباب خلص الله يستر عليها بس ما بدي زوجي ينقلب علي ... شو رأيكم الحل ؟؟؟؟ محتارة يا ناس