مرحبا بنات ...
انا متزوجة من 6 سنوات ومشكلتي مع زوجي من بداية زواجنا لين اليوم مب راضي يتغير وهي ( عيونه زايقة )
وين ما نروح وهو ايطالع الحريم فالبداية كنت انقهر وسكت قلت بيحس على دمه وبيودر ولكنه مستمر بعدين كلمته
ينكر انه ايطالع البنات هاي هي مشكلتي معاه ... بديت معه انه حرام والله امر بغض البصر مافي فايدة فيه ...
انا اغار لا طالع بعد مافيه فايدة ... انته تجرحني كل ما طالعت البنات اتحسسني اني ناقصني شي بعد مافيه فايدة ...
انا صح الحين زاد وزني لكن قبل كنت رشيقة وجسمي حلو وكان ايطالع بعد ...
يوم اكلمه انته اطالع ايقول امسكيني حزته وقولي انته طالعت مب يوم نرجع البيت ... قلت اوكي في اخر مرة طلعت
معاه من اسبوع ونحن في المول يت وحدة لبنانية اتنقز صدرها وهي ماشية انا طالعتها وتمنيت انه مايطالعها اتعرفون
شو سوا طالعه عاد اهنيه كنت بنفجر عليه بس سكت هي راحت عند الكاشير اتحاسب نحن كنا واقفين مع واحد من اللي يشتغلون في المحل نتفق مع على اللي نبيه ولازم هو ايسوي الفاتورة وبعدين انروح الكاشير وندفع الحبيب ما في صبر شافها عند الكاشير ويبيي ايروح عند الكاشير انا اقول شوف الريال ايكلمك ايقول زين انا بروح ادفع اقوله هو بيعطيك الفاتورة عشان تدفع ( هي خلت في عقل )انقهرت منه وقلت لاحق بتشوفها انا اقول هالكلام رد علي منو هي وينها هذي اللي انا اشوفها ورفع كيس كان مسكنه فيده يبي يضربني به في المحل اتخيلووووووا شفت الإهانة
بعدين ونحن طالعين كان يمشي جدامي بمسافة كبيرة المهم انا زعلت من حركته ورجعنا البيت اول ما نزلنا اسمعه
ايقولي خذي الكيس طنشته ابا ادخل البيت ولا اسمعه ايقول باعلى صوته فالشارع خرا عليكم هذا اللي سمعته
بس منه هو سب وايد هذا اللي لقطته ونا داخله البيت ..... طنشته ولا سالت فيه بغيت اروح لاهلي قلت بصبر لجل
عيالي ... طرشت له مسج اول ما وصلت البيت كتبت له ( مشكور ع سب والإهانة وجزاك الله الف خير اللي يجي منك اكثر ) ولا عبر رحت الغرفة الثانية ومن اسبوع لين الحين ما تاسف ولا اعتذر ولا شي انا ما اكلمه وهو بعد ما يكلمني
اليوم ولدي الصغير ايقولي ماما بابا حار جسمه بابا مريض قلت يمكن مرض لانه مايكل شي فالبيت من بعد هالمشكلة
طرشت مع ولدي دواء خافض للحرارة وماي قلت له عط ابوكم بعد 10 دقايق قلبي ما طاوعني قلت خلني اشوفه واطمن صار فيه شي المهم رحت وحطيت ايدي على راسه اتاكد من حرارته قل انا ما فيني شي ولدي هو اللي ايقول اني حار طلعت من الغرفة على طول ... من يوم المشكلة مايرجع البيت الا وقت الرقاد 12 ونص فالليل ...
ولا راضني ولا شي بشو اتشوروني علي اروح بيت اهلي ولا اصبر لجل اعيالي ...
و جزاكم الله الف خير ....
قلب وراح @klb_orah
عضوة
يلزم عليك تسجيل الدخول أولًا لكتابة تعليق.
شوفي اختي اسفهيه وخليك واثقه من نفسك واذا جاكي راضيك قولي انامو زعلانه غايره لا انا واثقه من نفسي لاكن احس انك مريض من هالناحيه
فشليه
فشليه
امل واعد :
ياحياااااااااتي انتي والله سالفتك حزنت عليهااااااااااا بس شوفي ترا الرجاال عموما عيونهم زايغه بس ماتكون لهذا الدرجه حااااولي قد ماتتقدرين تتغاضين وسوي الواجب عليك من مسؤليات البيت وطنشي الموضوع هاذا حاولي انك تمسكين اعصابك والله انا يالحريم انا نعاني بس نتغاضى عشاااان الحياه تمشيياحياااااااااتي انتي والله سالفتك حزنت عليهااااااااااا بس شوفي ترا الرجاال عموما عيونهم زايغه...
شوفي حبيبتي :/
اغلبيه الرجال عيونهم طويله يعني اطمنك مو بس زوجك .
ثاني شي الدنيا يحتاج لها صبر اصبري واضغطي على نفسك لاجل بيتك وعيالك ولو رحتي لبيت اهلك وش مستفيده؟
امكن بكرى او بعده يجيب حريم معه بالشقه ؟ انتي مابتكوني داريه صح ؟ لان ببيت اهلك جالسه
ولو رحتي لبيت اهلك تتوقعين هوا الي بيوم من الايام بيجيبك؟ لا والله بيقول مثل ماخرجت البيت مفتوح لها تجي باي وقت لاتفتحين على روحك باب ماتقدرين تقفلينه .
مدام هوا بنفسه يقووول لو ناظرت بيوم من الايام امسكيني وخبريني فهذا شي حلو منه يعني واثق من نفسه انه مايناظر في الحريم طيب انتي ليه ماتخبريه بنفس الوقت ليه لما راح بيحاسب تقوليله لاحق عليها بتشوفها؟ المفروض ماتقولين
شوفي بخبرك شي وان شاء الله تجيب نتيجه يارب.:
غيري حياتك شوية. غيري من الروتين اليومي. فاجئيه باشياء ماكان يتخيلها مثـلآ.
لما ينام خذي محدد العيون واكتبي على مرايه الحمام او مرايه التسريحه عبارات الحب تبينين حبك له.
سوي ليله رومانسيه . استقبليه بدعوه حلوه عند دخوله البيت وعند الخروج . وصليه للباب وهوا رايح الدوام واعطيه بوسه وقولي انتظرك باأحر الاشواق
شوفي قلبي وربي الرجال مثل الطفل ومو بس زوجك الي يسوي هالشي بس هنااا كيف يتغير الزوج؟ مستحيل يتغير من نفسه
انتي الي بتغيريه بس كيف؟! بهالاشياء الي فوق خليه يحس انك قريبه منه مره
الزوج يبغى الي تنتبهله تدلعه تحافظ عليه تجذبه ولو مالقاه منك بيدور لغيرك انتبهي انتبهي حافظي عليييييه
ولاتروحي لبيت اهلك لان الزوجه مكانها بيت زوجها مهما سار خليكي ببيت زوجك ولاتطلبي الطلاق
يقول المثل >> نار زوجي ولا جنه اهلي.
واحمدي ربك ان زوجك بس ينااااااظر مو من الرجال الي يناظر ويتكلم يقول شوفي فلانه كيف خشمها او كيف خدودها
مدام انه يناظر خليه ذنبه على جنبه وريحي قلبك كل مااتشوفينه يناظر صح يتنقهرين ولكن قولي هوا الي بيتعذب بالاخره
وان شاء الله افدتك ياااااااارب وسوي الي خبرتك هوا والحين الحين قفلي الكمبيوتر ورحي عند زوجك لان لو خسرتيه عنده مليون وحده غيرك بيتزوج فوقك وانتي ماتدري فلاتضيعين هالزوج من يدك واتركي الزعل وروحي اجلس معاه
وكذى او كذى لو ماطالع على الطبيعه عنده التلفزيون عنده الانتر نت بيدور ويشوف لاتقهرين عمرك على شي مايستاااهل لان هالمشكله اغلب النساء تشتكي منها وحلولها بيدكم وبشطاارتكم
لا يمكنك مشاهدة هذا التعليق لانتهاكه شروط الاستخدام.
ماشاء الله عليك:)
الصفحة الأخيرة
بس شوفي ترا الرجاال عموما عيونهم زايغه
بس ماتكون لهذا الدرجه حااااولي قد ماتتقدرين تتغاضين وسوي الواجب عليك من مسؤليات البيت
وطنشي الموضوع هاذا حاولي انك تمسكين اعصابك والله انا يالحريم انا نعاني بس نتغاضى عشاااان الحياه تمشي