مشكلتي مع زوجي

تحيه وبعد...
اول مره اكتب موضوع في هذا القسم وترردت كثيرا قبل كتابته لكن علي اجد عندكم الحل...
متزوجه صار سنه وكم وشهر زوجي طيب والحمدالله لكن عيبه الوحيد كل شي يسولف فيه لاهله ليش لقصد شي فانا اعرف زوجي ولكن هو من النوع الي يحب يسولف
يعني يذهب لزياره اهله يمكن 5 مرات باليوم طبعا هذا ما يهمني بالعكس فرحانه لحرصه على اهله لكن يسولف عني متى صحيت من النوم ووين رحت ووين جيت بتقولون عادي
لكن انا ما احب احد يدخل بخصوياتي يعني لما اروح المشغل عشان استشور شعري يقولوهم اني رحت المشغل وانا ما احب .... حتى لو ام زوجي ما قالت شي بس اكيد بقلبها بتقول تبي تخسر ولدنا :06::06:
دايما اتكلم معه في هذا الموضوع اقوله انا اشياء كثير ما احب احد يدري عنها حتى امي ما اقولها بس تعبت وانا اردد نفس الكلام واستحيت منه كل ما جينا ننزل عندهم اقوله انتبه تقول شي حتى هو قام يعصب علي
بس والله يا بنات ما تتخيلون زوجي يسولف بكل شي اذا كنت عندهم وجيت اقوم ولا شي يقولي بشويش على الي في بطنك وانا مو حامل ولا شي :11::11:
كنا ناوين نسافر هذي السنه وانا احس هذا الشي ما يتكلم فيه الا بعد ما نتخذ القرار زوجي من قبل الاجازه وهو يقول بنسافر ومدري ايش طبعا خالتي ام زوجي قالت لبنتها انهم بيسافرون وبنتها ماشالله عليها ما تقصر قالت لكل الناس
والله يا بنات صار شي كبير ما قدرنا نسافر ..... انا ابي افهم زوجي ان فيه اشياء خاصه لازم ما نقولها لأحد الا لما تصير بس هو يعصب ويقول يعني اهلي ما يحبونا وما يبونا نسافر والله تعبت من هذي المشكله ...
الحين انا اتعالج عشان الحمل وخايفه يقولهم ماابي احد يدري يعلم الله حتى امي ما قلت لها لاني اظن هذي اشياء خاصه فيني :44::44:
ابي اعرف فيه احد مثلي