مشكلتي مع زوجي .,

السلام عليكم ورحمة الله وبركاته

اعرض عليكم مشكلتي اللي كدرت علي حياتي واتمنى الاقي عندكم النصيحه

انا متزوجه تقريبا من 6 شهور
ببدايه حياتي كنت مرتاحه ولله الحمد وواجهتني مشكله بيني وبين زوجي وعدت على خير
بعد ما تعبت وتعب معاي وتحملنا وصبرنا والله فرجها علينا

كانت تصير بينا مشاكل زينا زي اي زوجين بس نرجع نتراضى ونصير
حلوين مع بعض
احب زوجي ورضاه عندي بالدنيا بس مشكلة زوجي كتوم وبصعوبه اقدر
افهم مشاعره
صارت بينا مشكله بسيطه لكنها فجرت اشياء كثيره
صارحني زوجي بانه مو مرتاح معاي وانه تحمل كثير بس
يحس نفسه للحين ما فهمني وما قدر يتأقلم معي
مدري هو يحبني وإلا لا !!
هالشي صرت اشك فيه لانه مارضى يجاوبني وهالشي معناته انه مو حاب يجرحني
لكني بمواقف كثير واحداث تصير بينا تأكد ليـ بأنهـ يحبني ومرتاح له ومبسوط معاي
صحيح تجي اوقات يزعل وبعصب مني بس هي اشياء مؤقته وماتدوم

الحين صرت محتاره وحزينه حيل
مو عارفه حقيقه مشاعره تجاهي

قلت له ان هالوضع طبيعي بين اي اثنين ببدايه زواجهم
احنا لسى مكملين 6 شهور والحب يجي مع العشره وما دام فيه
موده ورحمه واحترام بينا ان شاء الله ان الحب بيجي مع الوقت

كثير ناس تعبوا ببدايه زواجهم بس صبروا لين حبوا بعض
ونعودوا على وجودهم سوا وصاروا ما يقدرون يستغنون عن بعض

شي طبيعي الرجل لما يتزوج يتغير عليه اشياء كثيره
اول كان حر ما يقيده شي ومو متحمل مسئوليه احد
لكن الزواج غير حياته كثير واكيد بيتغير عليه كل عاداته
وبيفقدها
بس مع الوقت بيتعود على حياته الجديده وبيتعود على وجود
انسانه جمبه تشاركه الفرح والحزن

ابغى نصيحتكم ., هاللي يصير بيني وبين زوجي شي طبيعي
فيه احد مر بهالتجربه من قبل ؟
ياليت تكتبون لي تجاربكم ببدايه زواجكم عشان استفيد
منها ويستفيد غيري

ولا تنسوني من دعواتكم
جزاكم الله الف خير ..