اختي الغاليه ام غيث
كان الله في عونك والله يكشف عنج ضرج يارب العالمين
صدقيني وايد متزوجات يعانون اللي تعانينه واكثر بعد
من اللي قاعد يصير من الاختلاط والدش والفضائيات والاباحيه والبلاوي الزرقه اللي في العالم الحين..
انا مالي خبره بالحياة الزوجيه لكن
شوفي يمكن هانت باجي شهرين وتنفردين ابيت بروحج وتقدرين تتصرفين معاه باللي تحبينه
علاقات زوجج الكثيره الحين اكيد هو في حالة نشوه ووناسه من اللي قاعد يسويه وانتي يوم تواجهينه كانج تمنعين عنه متعته وجيه اعتقد انه يثور وينكر ويتمرد ويسب ويلعن ويمكن يسوي اكثر من جيه هذا حال الرياييل ...
اللي بسوينه الحين مالج غير الدعاء والاتكال على الله سبحانه وتعالى والابتعاد عن ما يغضب رب العالمين
ابتعدي عن اسباب ا لمعاصي مثل الاختلاط بالعمل ووالاغاني وابتعدي كلش عن كل مدخل من مداخل الحرام
ابدي اتقربي لله سبحانه وتعالى
اقري البقره ترى فيها سحر عجيب وحاولي تختمينها كل يوم بالاضافه خلي المسجل يقرى بصوت عالى في البيت حتى لو ماكان في احد بالبيت بس خليه شغال 24 ساعه
ابعدي المنكرات من البيت اكثري من النوافل من الصلاة والصيام
واخيري قومي قبل الفجر بساعه على الاقل قومي ادعي
يمكن بتقولين انج تعبانه ومنهكه من العمل بالعكس اللي يقوم اللي ابدا ما يحس بالتعب خلال اليوم وهذا عن تجربه ولكن يمكن التعب في القومه للقيام لانه الشيطان دايما يحاول انه يحبطج بس اكيد انتي اقوى منه
وعلاقتج معاه خليه بارده اذا حسيتي انه جا الوقت اللي خلاص تعبتي من الكلام والمشاكل معاه فوضيه لله سبحانه وتعالى هو القادر بس انه يهديه بس لا تقصرين في واجب من واجباتها وسوي كانج ما تعرفين شالسالفه بس خلي علاقتج بالله قويه ورب العالمين راح ينصرج عليه صدقيني
اذكر انه صديقتي واعز انسانه عندي كان له زوج خوان وكان دايما يشك فيها ويتهمها وهي طول الوقت يالسه اتصلي وتدعي لله سبحانه وتعالى ورب العالمين كشفه على حقيقته وفضحه ولكن هي مع انه كان يدور له اقل شي بس تعب دور وماحصل بالاضافه الى انه رب العالمين فضحهه جدامها ورفع مكانتها عنده واايد والله عوضها باللي احسن منه
واقولج مافي شي يضيع عند رب العالمين بس خلي علاقتج بالله اقوى من اي انسان وفضفضي له ووهو يتولاه سبحانه

اسمحيلي على الاطاله واتمنى اني قدرت اساعدج
تحياتي لج

ماشاء الله عليك اختي Rosee
ردك كافي و وافي:26: الله يحميكي

اختي انا اللي قصدته من ردي مش بحرضك لا سمح الله على الطلاق لا بس انا من حرتي عليك انفعلت و انا اسفه
انا بس قصدي انك تكوني حازمه معه يعني تجلسي معه و تحطي النقاط على الحروف او ممكن واحد من اهلك يكلمه و يذكره بالله و بواجبه كرجل مسلم لانه مش معقوله حبيبتي انك تحترقين من جواتك و هو ولا على باله مبسوط و يتشرط عليك بعد
فعلا كما قالو الاخوات عليك بالدعاء و سورة البقرة عن تجربة بترتاحي والله و ربي معك:24:

مشكورين على الردود الحلوه والمفيده وانا بدوره أنشاء بسوي الي أقدر عليه وانا دائما في جميع الأحوال دائما مع ربي أدعي واستغفر واسبح وأقرء قرآن بس هذيلا الريايل ما تعرفولهم يوم يكونون وحوش تخافين منهم وتقولي لو فكر يعتذر لج ما بتسامحينه أبدا أو بتذلينه مثل ما يذلج بس من يرجع ويعتذر بكلام حلو تنسين كل شي ولا جنه صار شي وتنسين الكلام السم الي عقه عليج أو الضرب أو السب ولا كأنه قال شي وبعد أخر شي ما يهون عليج بس ما أقول شي غير الله يهديهم

اختي ام غيث ،،،،،،،


اولا مالك الا تتقربين لربك وتدعين من كل قلبك وياليت يصاحب دعائك دموع ،،،،، لانه مافيه واسطة بالعالم غير ربك وهو مقلب القلوب،،،،،


اختي لا تعطين زوجج اي مجال حاصريه من جميع الجهات ،،،،،، وبعدين اختي تقولين ان دوامك من الساعة 6:30 لين الساعة ثلاث غير انج تجين البيت تطبخين وتقعدين مع العيال وتدرسينهم وغير اذا عندج مناسبة او السوق وهو كل هذا الوقت قاعد مع الطيبة الخاينة؟؟؟؟؟؟؟؟؟؟؟ اكيد يااختي بيخونك ،،،،،، حاصريه من جميع الجهات سوي قعدة رومانسية البسي اللبس للي عمرج ما لبستيه عطيه الكلام الحلو ترى ماهو راح للثانية الا لقى عندها كلام حلو ،،،،، اخذي اجازة من دوامك شهر ضروري ،،،،، ترى هالشهر ينقذ حياتج ،،،،،،، وحاولي انك تعطين وقتج لزوجج اكثر من العيال ،،،،، والله انشالله يارب يرجع لج زوجج بأسرع وقت وترجعوا عائلة اسعد من سعيدة ويبعد عنكم بنات الحرام للي ما يستحن والله ينتقم لها في بيتها مثل ماهدمت بيتج ،،،،، ويعين زوجها الغافل وادعي عليها كيدها بنحرها وصدقيني كما تدين تدان ،،،،،،، بكرة زوجها بيخونها مثل ما سوت في بيوت الناس ،،،،

الله يعينك ويعيني انا مثلك واكثر بعد ماخليت من الكلام شي ولا قصرت وهو معترف اني ماقصرت معه بس يقولل ودي العب ويقول بعد دايم فول ابغير يعني لازم لحم حرام الله يشيلهن من الدنيا امين ايه عطيته من الكلام الحلو والمعسول دايم ارسله باالجوال رسائل غرام وحب ولاهو داري ياخذ الرسائل حقاتي ويرسلهاللساقطه لاكن ماسكت عطيته توبيخ الى اقصى حد لاني اتشفته وتسامحت معه على اني غيوره اكثر من الازم قالي ابتركها وانتي انسي تنسيت الخيانه واكتشفت بعد مده انه ماتركهالاكن قلت له ياانا ياهي والي يحب ثنين لابد يختار وكنت اصرخ بقوه واقول اتركني وطلقني اف تجيبلي الايدز خاصه وانه منتشر هالايام تخيلو وش سوى اخذ الجوال قدامي وكلمه وقاله انقلعي ياساقطه مباقي الى اتي تخربين حياتي وفوق ذاك الخيانه تعويض مو بس كذا حلفته ان مايرجع للغزل مره ثانيه وسلمتكم:32: ;)