مشكلتي مع زوجي

السلام عليكم ورحمة الله وبركاته اختي العزيزة اصبري وتحملي صدقيني لو انتي واثقة من حبه لكي وانتي بعد تحبينه بجد راح تهون عليكي هالمشكلة وباين ان المشكلة ماصرالها سنوات طويلة يعني لسه في مجال يتعالج ان شاء الله وممكن ما يكون السبب عضوي ممكن يكون نفسي وممكن عين انصحك اختي بالرقية الشرعية عليكي وعلى زوجك والأفضل ان كل واحد يقراها على نفسه وما فيه مانع انك تقرينها على الماء والزيت ووأي شي تستعملونه يكثرة وعليكي بأذكار الصباح والمساء وسورة البقرة والقرآن عموما ومن ناحية أخرى اقنعي زوجك بالذهاب للطبيب طالما الموضوع في بدايته قبل أن يصعب علاجه ولكن حذاري من الالحاح عليه يعني لا تحنين وايد وكلميه من فترة للثانية واختاري الوقت المناسب عشان مايحس انك زهقانة من حالته حسسيه انه من حبك حقه تحبين تخلفين منه وايد أطفال تربطكم ببعض أكثر وأكثر . انا ما أحب افاول عليكي بس صدقيني والله لو الزوج عاجز ومشلول بعد بس يحبني ويداريني والله أحطه في عيويني ولو لو كان موعاجر او ضعيف جنسيا وعينه زايغة وما يحيني باخلاص فوالله ماله مكان بقلبي ومامنه فايدة أبد وانتي الأمر راجعلك لو انتي حاسه انك ممكن تتحملي من غير تذمر ومن ما تفضحينه عند اهلك وصاحباتك واهله فاحتسبي صبرك عند الله وخير على خير واذا انتي موقادرة تصبرين وراح تتذمرين فانفصلي عنه عشان عدم صبرك راح يحسسه بعدم الراحة وانه ثقيل عليكي وبالتالي راح تكثر المشاكل بينكم والأمر راجعلك وادعو من الله أن يوفقك ويجعل حياتك سعيدة مع زوجك .

الله يشفيه وعليك بصورة البقره يوميا
والدعاء والرقيه بستمرار
وما فيها شي لو راح لدكتور

اختي الغاااليه ..
المشكله هينه و بإذن الله بتفرج ..
عليــــــــــــج بالدعاء ف الثلث الاخير من الليل ..
و اتحري ساعات الاستجابة و بين الاذان و الاقااامه
و ثقي بالاجاااابة .. و ان شااااااالله بتنفرج
انتي قلتي انج تحبينه .. و هو يحبج ..
و اللي يحب حد يوقف وياااه .. و هالمشكله تشملكم اثنينتكم ..
لا تحسسينه ابد بالنقص اللي عنده لأن اذا المشكله نفسيه بتزيــد عنده ..
حاولي تتقربين منه سولفي وياااه ارمسوا اضحكوا اظهروا اتمشوا و تعشوا برع
و لا تلمحيله لا من بعيد و لا من قريب لموضوووع الجنس او ضعفه الجنسي ..يروا علاقتكم من صمت و ملل و روتين .. لحياة شبيهة بحياة الاصدقااااء
السالفه استوت اول ما حملتي صح ؟
يمكن اللي خلاه يبعد سبب نفسي او تصوره انج خلاص بتنشغلين بالحمل و البيبي
و هو ما بيكـــون له مكااااااان
الله اعلم شو دار ف باله .. بس انتي اهتمي فيه بزياااااااده
يعني خليه يحس ان انت بس و محد غيــــرك ..
و في انبولات تنباااع ف الصيدليه .. انا قريت عنها
ف ردود وحدة من الخوات اللي يجزيها الخير ..
اتوقع هي غذاء ملكات النحل او شي جيه
الانبولات لعلاج الضعف الجنسي او تقوية الرغبة الجنسية عند الزووج
ان شالله تنفعج
بس هي شددت انج تحطينها ف عصير او حليب مثلا
و تعطينه يشربه بدون ما يدري عشان ما يكون لها رد فعل عكسي
تتعقد الحالة اكثر لو ما صااار شي ..
بس ان شالله بالاهتماااام نفس ما قتلج بإذن الله بتتصلح الامووووور ..
و الله يوفقج و تبشرينا ..

أختي بين الرموش : الغاليه هذه لاتعد مشكله ليس لها حلاً .. فغيركي من هجرها زوجها شهوراً بل سنواااات.. وشوفي قصه الأخت تورن هيرت .. لأنها فعلاً قصتها محزنه .. وراح يخفف عليك مبتلاك لأن اللي يشوف بلوة غيره تهون عليه بلوته


الله يعينج

يمكن انتى من حملتى تركتيه وقابلتى بنتك وبيتك وماعاد اهتميت بنفسك ولا بانوثتك ولا بيتك ماغيرمقابله البنت او انه عنده ضغوطات ماديه اجتماعية وفري لزوجك الجو الرومانسي وزيدى الاهتمام فيه مو حبتين الا عشر حبات وادخلى المواقع المخصصة بالمواضيع ذي تلاقين حاجات تفيدك من اعشاب .............الخ والله يسعدكم