ياعزيزتي المشكله مو عندك .عند زوجك فارق السن هو اللي يخلي مافي توافق بين تفكيرك وتفكيره .وانا أقولك اقري كثير عن تطوير الذات مع اني مااشوف شي في ذاتك بالعكس عفويتك الزايده هي اللي تخليك تتعرضين للنقد من جهته .وربي يحفظك ياأختي

سبحان الله
اجمل شي بين الزوجين لمن يكونو متناقضين تماما
تحسي بينهم كيمستري رهيبه

راح اختلف مع البنات شويه واقلك هوا اللي مافهمك ومافهم شخصيتك
ولا انتي جدا بسيطه وغير متكلفه و النوع هذا من الشخصيات سهل جدا التعامل معاه و التعايش معاه
لانك سلسه تتكيفي مع كل الظروف وهذي ميزه فيك غير مزايا كثير استشفيتها من السطرين بس اللي كتبتيها هذي


خليك واثقه في نفسك و لاتهزك تعليقاته
اذا ودك تتطوري من نفسك " لنفسك " انا اشجعك والمجال قدامك مفتوح كتب ودورات و غيره
انا ممكن اعطيك رقم وحده مدربة تعطي دورات تطوير الذات بس هيا ف المدينه المنوره و احيانا جدة فماادري يناسبك ولا لا

بس صدقيني مع العشره زوجك راح يفهمك و يقدّر هالجوهره اللي عنده مافي اجمل من الانسان البسيط

لاتغيري من شخصيتك وتحاولي تتطبعي بطباع مو لك راح تتشوه شخصيتك صدقيني
لكن موضوع الذاكره حاولي تهتمي فيه لنفسك

المكسرات مفيده تقوي الذاكرة خصوصا عين الجمل

اختي ممكن الي فيك صعوبة تعلم ،، عادي كثير عندهم، ويشكون من نفس الأمور، صعوبة في القراءة والكتابة والحفظ والفهم، وفعلاً يتعبون وهم يحاولون التركيز وما يقدرون يقرون صفحة على بعضها.. هذي الحالة لها مراكز تعليمية خاصة يعرفون يدربونك على أصول.


إذا عندك استعداد وودك فعلاً تفرضين تغيير على حياتك وأسلوبك، وترفعين مستوى الثقة في النفس، أنصحك بالالتحاق بأحد هالمراكز. من نفسك صعب شوي لازم معاونة فريق متخصص.

ما اشوف اخطاء إملائية كثيره
و الشهاده ما تدل على اخلاق الشخص
كم من دكتور اخلاقه زفت و أُمِّي و أخلاقه قمه
حاولي تدخلين النت تشوفين محاضرات عن تطوير النفس و محاضرات و ندوات تصير لك خلفيه علميه و لفظية
لا تستحقرين نفسك كل شخص فيه مجال يحبه
القرآن يفتح العقل احفظي و تدبري فيه
ان كان فيك تشتت تعالجي لا تسكتين على نفسك
و اهم شيء عليك بالدعاء

جزاكن الله خير 
أسأل الله العون 
أكيد ودي أطور نفسي لنفسي ﻷن الزوج مو دايم 
ربي يفتح لي بفتح من عنده
دعواتكن