مشكلتي مع زوجي

السلام عليكم ورحمة الله وبركاته
انا عضوه جديده سجلت في الموقع ابي تعطوني نصايح وحلول في مشكلتي انا البنت وحيده بين اولاد ماعندي خوات وصبعه اشتكي لصديقاتي او بنات خالاتي
متزوجه لي 4 اشهور كأنها 40 سنه من الي شفته من زوجي واهانته لي تعبت جايب لي مرض نفسي
ابي طريقه اكلم فيها اهلي واقول لهم عن كلشي يسويه زوجي من اهانه لي وضرب ويعصب علي ويتفل في وجهي وكل هذا الي يسويه لي يقول يحبني
زوجي طبعه غريب يتعامل معاي بطريقه ومع اهلي واهله والناس بطريقه ثانيه
زوجي ما يقرب لي من عايله محترمه ولها سمعتها ووظيفه كويسه والكل يحترمه وله مكانه بين اهله مع انه بدايه الثلاثين والكل يعتمد عليه ويثق فيه وشايل هم عايلته
اهلي يحبهم ويحترمهم وينادي ابوي وامي مثلي ابوي وامي ويجيب لهم هدايا واخواني مرتاح لهم واسبوعيا لازم يجتمع معاهم ويجلس سوالف معاهم حتى ايام الملكه
انا في النظر الكل اني سعيده ومرتاحه ومو مقصر معاي بشي
عند اهلي واهله ويدلعني ومايقدر يستغني عني
الي يحب يضرب والي يحب يهين زوجته ويتفل في وجهها والي يحب يسب ويقول كلام وسخ والله العظيم اتمنى انا يغلط علي جمب اهلي او اهله عشان يعرفونه على حقيقته
حارمني من كل شي السهر كاني طفله لازم انام معاه واجلس قبله حارمني من الوتساب من 11 في الليل حارمني من صديقاتي بس بيت اهلي واهله
الحين انا بيت اهلي والمصيبه طلعت حامل هالشهر مع اني كل شهر انتظر الدوره على نار مابي احمل وهو طبعه كذا كيف بربي عيالي ويشوفون امهم ضعيفه وتخاف من ابوهم ويشوفون الاهانه لي زوجي على سبب تافهه يعصب ويسب وصرت اخاف منه وارجف اذا عصب علي
نفسيتي تعبت وجلست ابكي فكرت انزله بس مقدر وعين امي علي 24 ساعه
اذا عصب وضرب يعتذر او ينام ويجلس ولا كانه مسوي شي حاولت اتكلم معاه واتفاهم مايعطني مجال ويغير الموضوع
مخليني بيت اهلي ارتاح وكل يوم يجي لي ومن عرف اني حامل فرح وجاب لي هديه ويوصي امي علي انها تهتم فيني ويقول بياخذ اجازه عشان يجلس معاي ويخدمني
مستحيييل اهلي يصدقون الي يسويه فيني يشوفونه انه زوج مثالي وامي دايم تقول الحمد الله ربي رزقك بزوج يخاف الله ويحترمك وصار مثل ولد لنا والكل يمدح فيه
الله يجزاكم خيررر عطوني حلول وش اقول لاهلي وشلون يصدقوني مابي ارجع له الا اذا تغير واحترمني