شفي انت باقي لك عنده طلقه وحده
اسعي لاصلاح بيتك عشان ولدك وبس
حاولي تتلطفي مع زوجك وتغيري اسلوبك سايسي اسمع كلامه بمايرضي الله هو اذا شافك مطاوعته وماشيه على كيفه
يرجع من نفسه يغير معاملته معاك
اول خطوه تسويها استعيني بالله واكثري من الاستغفار والصلاة على الرسول صلى الله عليه وسلم
وانا دائماً انصح فيها البنات لاني مجربتها ومجربه نتائجها المبهره خاصه بالمشاكل الزوجيه
اتصلي على زوجك وتلطفي معاه بالكلام وذكري بولده انه اذا اطلقتوا رح يفقد الاستقرار وينحرم من شمل الاسره
اذا زوجك صعب التفاهم ارسلي له رساله تفهمي معاه بالحسنه
واذا الله كتب لك رجعه لازم تغيري طريقتك معاه اللين تكسبيه
واهله شيلبهم من راسك واتعاملي معاهم بمايرضي الله وخففي زياراتك لهم
وجاي رمضان فرصه للتسامح وتصفية القلوب
الله يسخرلك زوجك ويهدي ويصلح مابينكم

مادري بصراحه انا مع البنات مرره حركه زوجك تقهر خير يدق ع ابوكي ويقول خليها للعيد وانا افكر ارجعها او لا !!والله لو انا منك اني بقعد عند اهلي واذا جا بعد العيد وقال ارجعي بقول مابرجع الا بشروطي ع كيفك هو ارجعي روحي لعب عيال الشغله... وبعدين لا يصرف ومانعك من كل شي .. هذه مشكله البنات اللي تحسب الزواج بيطلعها لحياه احلى من حياتها في بيت اهلها ...
اهم شي لو فكرتي ترجعين بشروطك او هو رجعك بشروطه مادري عنك المهم لا تحملي ابدا حاليا خلك ع ولدك لين يصير خير ان شاء الله

احس ماتوفر بزواجك اي شي يخليك تتمسكي فيه لا احترام لا نفقه لا معامله طيبه ولا شي بس الولد هو الشي الطيب اللي طلعلك منه .. كذا ماتعيشي مرتاحه لانه باقي لك طلقه وهو كل شوي يهدد بالطلاق لاترجعي لحد ماتحسمي الامر مو عيشه ذي صراحه جابلك الهم وطفش اهلك .. احنا مو عارفين تعامل اهلك معاك كيف لانو من كلامك متضايقه منهم ادعي الله واستغفري وان شاء الله ينصلح الحال ..

لو اهلك مايحبو لك الخير ويكبرو السالفة ويبغو يطلق وانت ماتبغي الطلاق
ليه تروحي لهم بمشاكلك اجلسي في بيتك وحلي مشاكلك مع زوجك وطيعي زوجك لا تعانديه
كوني له امه يكون
اكثري من الاستغفار والدعاء ينصلح حالك

كوني له امه يكون لك عبد