مشكلتي مع زوجي

السلام عليكم ..
أولا / تكفون لا يرد الا الحكيمات بردود واعيه .. ولا أحد يجي يحط اللوم علي .


مشكلتي مع زوجي . بعطيكم نبذه سريعه عن وضعنا
أنا من تزوجت من سنه وشوي موظفة وساكنه عند أهلي وهو ساكن بمنطقه ثانية بحكم عمله . اروح له انا كل نهايه اسبوع
زوجي ما يصرف علي ولا ريال ! الا ساعات من فتره لـ فتره يسدد فاتوره جوالي " ما عمرها وصلت 100 ريال "
كثير اشكي له ان مامعي فلوس خلص الي معي ومره اخذت بطاقته واستغربت لما عطاني اياها ..
واكتشفت ان مافيها الا 5 ريال :) وان الفلوس وراتبه ببطاقه ثانيه وما كلف نفسه يحول لي ريال مع ان البطاقة جلست معي اسبوع كامل .
تكاليف روحتي وجيتي له انا الي ادفعها كــــــــــــــــــامله
العلاقه وانا بعيده تصير عن طريق الجوال مره او مرتين بالاسبوع واذا رحت له هناك ما تصير واحيانا تصير مره وحده بس وبوقت ما اكون مستعده او متوقعه عصر او ظهر
مع اني حاولت وجهزت نفسي باللبس والمعطرات وجهزت الغرفه وكل شي لكن من شهر العسل ما يشوفني اذا لبست ولا يعني له شي " مع ان عمره صغير مو كبير "
قبل فتره غلط وهو يكلمني بالواتس اب .
وكلمني وكأنه يكلم وحده ثانيه ولما سألته شالسالفه ؟ قال لي لا لا ولا شي سكري الموضوع
وفعلا قفلته على طلبه لكن قلبي مو مرتاح ..
ليله الجمعه كنت عنده جهزت الغرفه وجهزت نفسي ولبست . كان طالع ورجع تعشى وقال بدخل انام .
لبست وجيت له .. طفا الشموع وعطاني ظهره ونام .. لحظتها لحظه قهر دعيت قلت يارب كان وراه شي يخفيه افضحه قدامي
صحيت ماكان عندي دوام ماخذه اجازه عشان اقابله وهو راح يداوم .. على كلامه ما يقدر ياخذ اجازه
وانا ارتب بـاغراضه وملابسه لقيت رسايل من وحده وملفات وبطاقات هدايا .. الرسايل من تواريخها قديمه كلها
لكني انجنيــــت رجعت كل شي مكانه مو مستوعبه الي شفته والغزل الي مكتوب له
كرهته شلون يخلي هالاشياء ببيتي ؟ وعندي ؟
شلون يحتفظ فيهم ؟ لا وعندي ؟
رجع من شغله وباين اني متضايقه حطيت له الغدا ولما تغدا قلت له اني متضايقه برجع لـ اهلي
حاول يعرف وش فيني ورفضت اقول له شي وحلفت ما اقول له وهو تضايق وزعل
انا رجعت لـ اهلي ودوامي وهو للاسف اليوم طاقها زعل و ماداوم عناد فيني وانا امس اترجاه يجلس معي ورافض يقول ما اقدر :)


كـارهته وكرهت اشوفه وكرهت حتى ريحته من القهر الي جاني
كل ماحط عينه بعيني اتذكر الكلام الي قريته ..
فوق تضحيتي وتعبي وتنازلاتي و كل شي جالس يسوي كذا ولا فيه اي احترام لي ولبيتي


مادري شلون اتصرف
فعليا افكر بالانفصال خصوصا مابينا اطفال
احسه شخص ما يستاهل اضحي واروح واجي عشانه ولا اني ابعد عن اهلي حتى لمنطقه ثانيه عشان الي سواه