مشكلتي مع زوجي

السلام عليكم 👋🏼 ..
مشكلتي هي :
زوجي كثير الكلام عن الزواج الثاني ..
اذ احد ملك قال ي زين الزواج الثاني
وإذ تزوج احد ذكرها بعد
وإذ زعلانين يهرج
وإذ كانت معاي الدورة الشهرية و زاد عدد أيامها عن الطبيعي يهرج ..
وإذ ماابغى احمل الان لانه ولدي صغير لسا يهرج ..
تعبت انا منه وبديت اكرهه مايمر يوم او يومين الا يتكلم ..
وإذ احد تزوج الثانيه هرج ولا من قبيلة ثانيه هرج ..
ساعات ارد عليه ( روح تزوج ماراح تلاقي احلى مني واحسن مني ، وساعات اسكت ، وساعات اقول وش مقصر معك عشان تتزوج ؟؟ ، وساعات اقول روح تزوج وانا من هنا لاهلي .. الي يأخذني ماياخذ غيري علي )
وعلمت أمه ان تزوج رحت بيت اهلي ..
كيف يبغاني اكون في وجهه بشوشه او اسوي طلباته برحابة صدر وهو كذا ينكد علي .. والله العظيم ماعاد اقدر دمعتي ف عيني وصرت اقول لنفسي ليش تزوجته ليش وافقت عليه واعاتب نفسي واهاوشها وأقول عشاني بنت عمه صاير أسلوبه معي كذا ولو غيري كان معيشها افضل مني .. صرت ابغا اروح لاهلي كثير ماعاد ابغا ارجع للبيت ولما اكون عند اهلي مااتصل فيه او ارسل فقط هو .. تعبت نفسياً منه والبيت ماعاد احب اجلس فيه احس الضيقه بصدري ماتجيني الا بوجودي في البيت ... وغرفتي مااحب انام فيها .. انام مع عيالي .. والله تعبت أعطوني حل أوقفه عند حده .. ماعاد أتقبل منه اي تقصير او كلام او شغله .. .. حتى عيالي صرت معهم عصبيه مااطيق شي منهم .. قبل كنت العب معهم وانبسط معهم لكن الان العكس واتمنى ماتزوجت ولا خلفت استغفرالله ..