مشكلتي مع زوجي

مرحبا بنات كيفكم ياحلوات ❤️
انا متزوجة صار لي تقريبا ٥ شهور يعني عروسة جديدة 👰🏻‍♀️
وساكنة دور فوق حمولتي
باقول لكم مشكلتي مع زوجي المشكلة السخيفة
وكم مرة فتحت الموضوع معه
المشكلة هي تقطيع لحم الاضحية 🐏
بنات اقسم لكم بربي مو سالفة دلع ولا غيره بس والله من طلعت من بطن امي ماقد قطعت لحم اضحية .. في بيت اهلي امي وجدتي يتعاونون عليه يقطعونها تقطيع كبار حق التوزيع واللي يبقى للبيت يودونه الجزار
المشكلة هي الله يسلمكم بالتفصيل
قبل اسابيع جبنا طاري عيد الاضحى ولحم الاضحية انا هنا قلت خل اعلمه من البداية اني مراح اقطع لحم يوديه الجزار او يجيب عامل يعاونه يقطع القطع الكبار اللي تتوزع او الحمدلله الدنيا تطورت صار فيه مواقع تختارين اضحيتك وتوصلك مقطعه ومغلفه وجاهزه
هو رفض جميع هالحلول وقال تنزلين تحت تقطعين لحم ولا بعد زعل حمدالله والشكر ..
المهم بعد عدة مناقشات وفكرت مع نفسي قلت الشكوى لله باقطع لحمته وانا زوجته وانا مكفولة بلحمته بانزل واقطعها .. المهم امس انفتح الموضوع وقال انه امه بتضحي وفيه اضحية عن ابوه الله يرحمه ويغفر له .. قلت واضحيتك قال لا مراح اضحي .. قلت يعني انت ماقد ضحيت قال لا (قلت في نفسي اجل ليه يكذب علي انه فيه اضحية له ولازم انزل اقطعها والخ)
المهم قلت له خلاص معناته دامك مراح تضحي اجل مافيه تقطيع لحم هالسنة .. السنة الجاية ان شاء الله كانك ضحيت قال خلاص ومد البوز شبرين
المشكلة وين ؟ هو مراح يضحي يعني ماني مكفولة بشي
بس لاني ساكنة فوق اهله .. ويقول صعبة تنزلين الصبح تسلمين عليهم سلام العيد وترقين ما تساعدينهم بتقطيع اللحم ! اللي هي اضحية امه وابوه
شوفوا بنات او امه بلحالها ولا مافيه احد يعاونها باقول تم
بس خواته ٤ كبار وكل وحدة اسنع من الثانية مع خالتي مع شغالة مرة اخوهم هذا اذا مرة اخوهم جت هالعيد ولا لا الزبدة عددهم ٥ الى ٦ ما شاء الله غير حريم عيالهم اللي يجون من منطقة ثانية وينومون في بيت الحمولة مادري بيقطعون ولا لا .. باختصار العدد يكفي ويوفي يتعاونون عليها .. انا ماني مكفولة بلحم احد غير اخوانه اللي يضحون ويجيبون ضحاياهم
الزبدة بنات انتوا وش رايكم حطوا نفسكم مكاني
ورجاء بلاش ردود سخيفة .. ردوا باحترام هل معي حق او غلطانه .. انا مادري دلوني يمكن غلطانة