مشكلتي مع زوجي

السلام عليكم
كيفكم يابنات
أنا عندي مشكلة وحابة ألقى حل عندكم.
انا مؤخرآ بديت أشك ان زوجي نرجسي.
لأنه يحب يكون هو المسيطر بكل شي.يحب نفسه ويعتبرها نمبر ون
غير متعاون معاي ولو يشوفني في قمة التعب برضو لازم انفذ طلباته لدرجة ملابسه انا أطلعها له من الدولاب واذا ماعجبه اختياري وقلت له روح طلع لك يزعل ويعصب.
لكن كلللله يهون قدام صفة مكرهتني في نفسي وفي عيشتي معاه.
الا وهي صفة الصمت العقابي.
زوجي مع الأسف بين كل فترة يمارس علي الصمت العقابي.
كأن ينتظر الزلة. كلمته كذا مرة وقلت له اذا اخطأت في حقك كلمني وانا اصالحك واتناقش معاك انا ماعندي مشكلة اني اعترف بخطئي لو كنت غلطانة ومالك الا طيبة الخاطر. بس لاتسكت فجأة انا لي شخصيتي وكياني وانت باسلوبك تهمشني.
لكن لاحياء لمن تنادي.
يطلع يروح يجي ولا كلمة يتجاهلني تجاهل تام.
أنا كنت انهار واضطر أصالحه لأن نفسه طويل وعادي عنده
وانا ما اشتغل وعندي اطفال وحياتي شبه روتينية.
لكن هالمرة قررت اني ما اصالحه لو شو ماصااااار لأني ماتذكر سويت شي يزعله.
وحتى لو على فرض زعل مني يجي يواجهني.
المهم يابنات انا ابي اشغل نفسي باشياء مفيدة.
لاتقولون اطلعي اقرئي كتب العبي مع اطفالك
كللللل شيء سويت بس برضو احس بملل وفراغ عاطفي.
اليوم جاتني فكرة اني احمل برامج تعارف واكون صداقات من النت مع البنات.
وفعلآ حملت تطبيق لكني حسيته مختلط من الصور
بغيت اكمل بس فيه شيء في داخلي يقول لا
وانا بصراحة مدري ليه هالتردد
حبيت اعرف منكم واستفيد اذا فيه تطبيقات حلوة ومفيدة فيها اشياء تكسر الملل
ابي اكشن ابي املى الفراغ باشياء احبها تعارف صداقات كذا يعني