مشكلتي مع زوجي

السلام عليكم اولاً والله ليا سنين وانا اتابع فقط في المنتدى ولكن بدون ما اشارك وقررت اشرحلكم مشكلتي بكون الخصوصية ، باختصار انا فتاه عمري ٣٦ معاناتي غريبه نوعاً ما هو اني اكره اهتمام زوجي رغم انه مايقصر ومعطيني عيونه ولكن اهتمامه يسبب تضايق واشمئزاز لدرجة ساعات احس باستفزاغ زوجي من النوع اللي يهتم بادق التفاصيل ومايعرف يسولف رغم اني متزوجه من ١٦ سنه ولكن يضايقني انه يتدخل بحياتي اتركي الجوال وخلينا نسولف وهوه ماعنده اي سالفه اقعد اسحب الكلام بالملقاط يطفشني بالكلام الحلو انتو بتستغربون بس فعلاً اتضايق كل شوي يتغزل فيني مليت والله حتى قدام ابنائي يتغزل فيني لدرجة الاولاد يضحكون انا داري بتتهجمون علي ولكن والله اتمنى اعيش حياه سعيده وطبيعيه مو كل ما اصحى وانام وهو يتغزل والله محد يحس بذالشي من كثر الغزل صرت اشوفه سم لدرجة اتهرب منه بطلعه لاهلي حتى وانا ابيت عند اهلي يدق علي ويسالني ناقصك شي واقله لا ويقول مشتاقلك ولاتقعدين اليوم عندهم جايك وربي جاني زهق امانه اعطوني حل للي مرت عليها المشكله ذي يعني كيف افاتحه واقله انه الكلام ذا يضايقني اخاف يزعل وماعاد يكلمني مثل اول انا ما ابغاه جاف لا ابغاه طبيعي فقط