مشكلتي مع زوجي 😐

السلام عليكم 🩷.
بنات اتمنى تقروا الموضوع للاخر وتساعدوني، ممكن اي نصيحة تفيدني وتبصرني جزاكم الله خير🤲🏻🩷.
بنات زوجي متعلق باهله كأنه طفل، احسني متزوجة بيبي مو رجال اكبر مني ب ٦-٧ سنين، هو يشتغل مؤذن، وشغله فقط يصلي ويرجع، لا يروح يصلي مثلا العصر ويتكي للعشاء عند اهله او بعد العشاء اذا كانوا حيطلعوا مشوار، ولا يتصل او يسأل عني وعادي ٥-٧ ساعات برا البيت ولا طرا بباله يرسل رسالة حتى او يفكر يتطمن عليا، ولما يرجع البيت يحضني ويقول احبك ومن دا الكلام الفارغ، فارغ لانه لو يحبني منجد سأل عني مو يرزعني بالبيت ويروح يستانس ويطلع اخواته ويمشيهم ويوديهم ويجيبهم ويروح معاهم يتعشى ويفلها بعدين يرجع البيت حتى ما يتذكرني لا بعشاء او غيره😐، يرجع يقول احبك بس عشان يسحبني بالكلام ويسوي علاقة وينام على طول بعدها، دا اولا، ثانيا رغم ضعف الحالة المادية، والله جوالي الي اكتب منه دحين متكسر وحالته حالة ولا قادر يجيبلي واحد جديد، وما اكلمه بالعكس اذا جاب حاجة ليا لو صغيرة ابكي واقوله ما تقصر واشكره، بنات ادلعه اخر دلع اهتمام كلام حلو، اعرف ايش يحب بالعلاقة واسويه له، ما كنت اعرف اطبخ بس تعلمت عشانه، مهتمة بنفسي وجسمي حلو، هروجي كمان ممتعة واعرف اتكلم، اسويله فعاليات سبا بالبيت وحاجات ولا عمره يلقى مثلها، رغم ذلك ما يملى عينه، اليوم طلبته يوديني مشوار مع اخوي الصغير عنده اختبار وقلت لامي انا اروح معاه لان امي ما تقدر، كسحني بوجهي وقال لا بنزين ما معايا حق البنزين، قلتله خلاص اكلم اهلي يعطوني حق البنزين، بدا يتعذر ويقول لا صعبة الخ، لما اصريت عليه قال تمام اساسا مو محتاج حق البنزين ولا شي بس ما فيا اوصل؟؟ والله مشاوير اهله يطير لها طيراان ويسعى عشان يتممها لهم رغم ان اخواته متزوجات وعيال اخوانه كلهم كبار يسوقوا وذريتهم كثير وواحد من اخوانه جالس بالبيت، بس لا خدوم لهم وانا اذا طلبته يطلعه من عيني ويكذب عليا بوجهي يصرفني، نصايحكم بنات؟؟ انا قررت احفظ طاقتي لان واضح المعروف فيه حسافة، انا مقدرته واحبه رغم كل عيوبه ومحتويته، والله احيان انسدح جنبه ريحته خاايسة بس ما اتكلم عشان مشاعره، وهو بوجهي يقولي تراك تغثيني لما تقوليلي انت تحبني؟
كلامي كثيررر معليش والله بس مقهوررة منه والله اي احد يتمنى زوجة زي كدا الا المريض الي عندي تعبني واهلكني ما يفهم ان دحين عنده زوجة يهتم لها بدل ما ينط يجيب عيال اخواته من المدارس ويقضي لبيت امه وبيت زوجة اخوه من السوق