حبيبتي .. الحمدلله اني منيب رجلك <<لا تزعلين بس والله هذي اول فكره خطرت على بالي وانا اقرا موووضووعك ..>>
تخيلي نفسك انت زوجك وزوجك انت وانت طول النهار تشتغلين وتتعبين وبس تدخلين البيت يبدا يبكي ويسوي سوالف عشان جوال !!..
تراه ياعسل جوال والله لاراح ولا جاء ما يسوى ..
صدق يجينا اوقات نتمى الزين والجوال اذا دخل المزاج ودنا فيه لكن مهوب لدرجة الزعل واني اذا شفته مع اهله اسوي له سالفه والا اني اذا رحت لاهله اتضايق ..
ياقلبي ماعليك من اللي حوليك انت خليك امرأءه مميزه وعاقله وفاهمه صح انت مربية اجيال وبتكونين عون لزوجك وحطي لنفسك حدود وخلي دمعتك للاوقات اللي تستاهل ..
تتوقعين ماقد خطر على بالي ساعه او جوال ولقيته معهم قبلي بس عندي طبع للاسف وودي اغيره <<احسه مرره صعب >> بس اشوف اللي احبه مع غيري احط عليه اكس ودليت من مخي واكرهه ولاعاد ابغاه !!..يعني مهوب ازعل اني شفته معاهم خلاص انساااه لان منزلته ورغبتي فيه تلاشت وانتهت ..
وترى ياعسل الدنيا ما تصفى للكل ..
لكن خليك انسانه حكيمه ولا تخربين على نفسك ..شفتي تصرفك المتهور معاه خلاااه يكنسل الجوال مع انه واعدك يشتريه لك على العيد وتكشخين فيه !!..
وتبغين تبيعين ذهب عشان جوال !!.. اسمحي لي هذا تصرف مهوب مسئول ..خلي ذهبك .. وافتحي صفحه جديده مع نفسك اولا .. ومع زوجك ثانيا .. وحاولي تتغيرين ..
وما اقولك اشتري او لا تخلينه يشتري لك .. الا خليه يشتري لك ومن حقك لكن اختاري الاسلوب والوقت المناسب ..واذا حسيتي ان الوضع ما يناسب ممكن تجمعين من غير ما يحس فيك اذا يعطيك فلوس للسوق كل فتره مبلغ واشتريه وانت عند اهلك وقولي هديه من امي او اخوي <<لايدري انك جامعه من فلوسك عشان ما يصيري يعتمد عليك ولاعاد يشتري لك ثانيه ..

شوفي يااختي انا والله ماالومك ابد بس اذاذ شفتي هالعالم والله غصب الواحد ينقهر انا زوجي مستحيل يشتري لي جوااااال تخيلي كل جوالاتي اشتريها من مصروفي اجلس اجمع سنه اوسنه ونص احيانا ثم اشتريه اخرتها يوم شريت الجالكسي نفس الشي جمعت فلوسه لين طلعت عيني وهو ماعمره فكر يشتري لي وخواته افخم الجوالات واخر شي نازل بس يالله سوي زيي وخليك دايم موفره وبقوه وطولي باللك وترى الرجال مايهمه زي خواته والااقل مايفكر زي المره شوفي سلفتي موظفه وجوالها قديم ومستعمل من زوجها لما مل منه ولا هامها تجمع عشان تشتري بيت شوفي التفكير ولا يهمها احد ولااحد يقدر يفتح فمه قويه شخصيتها مااحد يتجرا يقط عليها كلمه يخافونها
حبيت اقولك هالكلام عساه يهون عليك هونيها وانااختك تهون

طيب واذا خذتي نفس جوال سلفتك ولا خواته ايش المشكلة لازم كل بنت في العيلة جوال غير على كذا بيصير عندنا مليار شركة جوال في العالم

بطلي مقارنات ماحد يحب المقارنات لا بنات ولا الرجال وصراحة انت تصرفين فلوس على اشياء مالها داعي يعني تبيعين ذهب على عشان تشترين ساعة هدية , الهدية قيمتها معنوية مو مادية

ترى زوجك واعذريني صادق عقلك صغير يعني تروحين مناسبة وترجعين و تهبين في وجهه فلانه وعلانه

الحين اسكتي عن سالفه الجوال فترة وبعدين لرحتوا مول او شئ ادخلي معه محل بس تتفرجين وتشاوري بضحك ووناسة وان شاء الله يجيب لك وخلي عنك مظاهر الجوالات

واذا حسيتي ان الوضع ما يناسب ممكن تجمعين من غير ما يحس فيك اذا يعطيك فلوس للسوق كل فتره مبلغ واشتريه وانت عند اهلك وقولي هديه من امي او اخوي <<لايدري انك جامعه من فلوسك عشان ما يصيري يعتمد عليك ولاعاد يشتري لك ثانيه ..





كلام مصرقعه هانم عين العقل

حبيبتي والله حاسه فيك

اول كان جوالي مو سيء تقريبا زي جوالك واستحيت اطلعه قدام ناس معينين

بس عادي طنشت ووثقت بنفسي وجلست اقول مكياجي مرتب وشكلي حلو مو لازم جوال شيك ولما احد يقولي اقول انا ما اقتنعت بالبلاك بيري احسه يضيع وقت

ولا احد تكلم بعدها

يعني يمكن زوجك فعلا ما يقدر

والرجال شين تعيرينه بعجزه المادي

الله يسخره لك يا رب بس والله هالمشكله بسيطه لا تكبرينها وتطيحين من عينه