مشكلتي مع زوجي ابغى راي حكيم

السلام عليكم

جالسه اكتب وانا ابكي ومقهوره

انا متزوجه من سنتين وماعندي اطفال
معاي تضعف تبويض وبالعلاجات تمشي الامور بس ما يتم الحمل
زوجي كبير بالسن و وانا برضو ماني صغيره وانا زوجه ثانيه زوجي معاه سكر وضعف انتصاب ما اعرف المتعه اللي يقولو عنها الحريم بس اجامل ولا عمري وصلت لمرحله النشوى اللي يقولو عنها اذكر مره سالته الاعمى كيف يجامع قالي ماادري
اثاري سبحان الله العمليه تتم عااادي مالها دخل بالمفتح وغيره
صابره لاني وحيده ماعندي احد يتيمه وماعندي اي دخل خاص الا حافز:(


وقفت العلاج الشهر دا وشهر رمضان ربنا يبلغنى اياه.

قلت لزوجي بعد العيد بروح مركز متخصص بالعقم والتلقيح الصناعي ورفض قال لا تكلميني عااادي اصبر الين تكملين سنتين كمان يعني حيكون عمري 35 سنه
قلت له حكبر زياده وفرصتي تقل قااال عادي كثير يحملون بعد الاربعين قلت ذولاك عندهم اطفال قبل وماعندهم مشاكل ................ قلت له لو انت مكاني ايش حتسوي قال عااادي ارضى بقسمة ربنا صدقته لانو لطيف معايا وماهو مقصر
بس امس جلسنا نسولف وقال انو زوجته تركت الحبوب قلت ايوا دحين تحمل وتسبقني يالله كلها ارزاق من ربي قال لا والله هيا ما تبغى بس انا اخاف يقولو عليا ماعااد يخلف
وهو ماشاء الله معاه 7 واصغرهم عندو 3 سنوات
وزوجته ماشاء الله من النوع اللي تحمل بسرعه على قولته من لمسه ماشاء الله وعندها 40 سنه
انا هنا انصدمت يعني ايش يقصد بكلامه معناته انو عااادي لو ما احمل اهم شي هو يخلف وقدام الناس انو باقي فحل وينجب
ليش قالي لا تفكرين بالتلقيح ولا الحقن الا بعد سنتين

من يوم قالي الكلمه دي انو يخاف من الناس انو يقولو عنو شيب وانا ابكي
طبعاً لاحظ مزاجي اتعكر وقلبت 180 درجه سالمي ايش بك قلت مافيني شي
هو على بالو اني زعلانه من انو شرى لزوجته غساله جديده وانا ما شرى لي
طلب مني اجله شويا لانو ماعندو حالياً وانا قلت اوكي
بس على بالو اني زعلانه من الحاجه دي يقول ليش محرنه عشان غساله اجيب لك هيا لو ادين

بس انا اللي زعلني انو قال اخاف انو يقولو قعد ابو فلان ماعاد يخلف طيب انا اللي صابره سنتين يالله يالله اخدت منشط قبل كم شهر وماربنا كتب لي
ليش لما اقوله ابغى اسوي حقن يرفض

مع العلم انو عمل فحوصات وماشاء الله سليم بس معاه شوي لزوجه. ما تاثر
للامانه شرى خلطة العسل

بس انا مجروحه من كلمتو

بنات اصارحه لما يجي بعد شوي والا ايش
اقوله انو اللي مزعلني كذا وكذا والا اسكت