مشكلتي مع زوجي ( اروح لاهلي ولا اقعد ببيتي )

كيفكم يا حلوين
ما بطول عليكم ياليت تعطوني الحل
.
انا حامل بالشهر التاسع وتعبانه جدًا جدًا لدرجة مقدر أتحرك وهذا اول بيبي
صارلي أسبوع داخلة التاسع
الزبدة ...
زوجي غير متعاون أبداً في البيت
اذا ما طبخت يطبخ ويخلي كل شيء وراه
يرمي ملابسه بكل مكان
ما يهتم مثل قبل ( كان قمة في النظافة )
لكن من الشهر الثامن تقريبًا أحسه صار يتعمد يسوي كذا لانه يشوفني جالسه كثير لانه صار يقول تحبين النوم يا كثر ما تنامين يوه صرتي كسولة من هالكلمات .. طيب انا تعبانه اكيد بجلس ؟
جبت شغالات كل أسبوع بس اللحين مع كورونا مقدر اجيب خايفه
سؤالي هل اروح لاهلي واتركه وأعطيه أسبابي ليه بروح ؟
ولا اقعد بالبيت ؟
لأني مقهورة مره يعني تخيلوا امس سويت الغداء والله ظهري انكسر وقعدت ربع ساعة لما قدرت أقوم من مكاني بعد ما خلصنا حتىى الطوفرية ما شالها أخذ نفسه وقام
ونمت من بعد الغداء لما الليل قمت الا المطبخ مقلوب ولا مسوي قهوة وطالع الاستراحة وراجع وحاط كل شيء بالمطبخ وجاي ينام
رغم ان عندي غساله مواعين الا انه ما يدخلها أقوله دخل مواعينك يقول بعدين بسويها ويسحب علي ملابسه بكل مكان بس اشيل وراه كأنه طفل
المشكلة اهلي قريبين مني مره يمكن ١٠ دقايق من بيتي
ودي أقوله روح لامك تخدمك انا تعبانه والله لا يقسي قلوبنا
يا بنات ما ودي قلبي يجفى منه تونا ببداية حياتنا
عطوني نصائحكم