مشكلتي مع زوجي اقسم بالله تعبانه

السلام عليكم
ابدخل بالموضوع علي طوال
انا ليه 10سنوات متزوجه معي 4الله يحفظهم
حياتي :احب المرح خفيفه دم احب زوجي بجنون مالحب ازعل من احد قلبي ابيض علي نياتي في الحياه احب اعيش يوم بيوم واقول رزق بكره علي بكره
معاملتي مع زوجي :كنت احب اجلس مع بكثره بحكم عمله يخذ 13ساعه ويغيب عني واذرجع اجلس عنده انا ماعندي احد لااقرب ولاجيران ماعرف احد الاهو وانتظره بلهفه بس اذ جلست مايتكلم ابد اذاتكلمت رد بس بنص كلمه مرت الايام وهو عمل اصحاب نت تلفاز والحين بلاك
تغيرحياتي معه:اصبت برتفاع الضغط تعبت مره منه كان بيننازعل وهوالغلطان جلست 3ايام تعبانه كنت اقول تعبانه ابعد عني يقول الله يجعل ينقطع منك عرق وثالث يوم رحت المستشفي قالت الدكتوره مره مرتفع واعطتني ابر
وهو ماحول يدريني بلعكس يزيد يابنات وبعدها عرفت قدري عنده
اتغيرت 180درجه صرت ماجلس معه الانادرن اتغيرت في حاجات كثيره
منها كنت اكشخ والبس واستقبله اذ رجع من العمل بس اقسم لله انه مايطالع ويدقق في لبسي واذ قالت وشرايك يقول حلوه ويطالع التلفاز اواجوال ولا يعبرني مررررررررره والله شاهد


فبل اسبوع مرره تعبانه نفسين رحت عنده قلت تكفى خلنا نطلع مره متضايقه قال لا قلت ابزعل قال مع سلامه ورحت وخليته

وامس بعدالمفرب ابروح يشتري لعيال هدايا ببناسبت النجاح طبعن درجات
وانا ابغا اسوق قلت كيف جدولك قال بس ابروح اشتري وابخرجهم ربع ساعه وابرجع طالعت فيه قال سوق مافيه وانا مانا فاضي قلت خلاص مابروح قال احسن وراح هو والعيال
رجعت دقيت عليه قلت له لو انك تعبان ولا جيعان والاش كام لقيتني كما الكلبه عندك تعرفون وش قال تراب وقفل السماعه

وش رايكم تكفون ساعدني
بنات معليش اذ في اخطاء املاء

يبنات الله يحزيكم كل خير
هو كذا وانا تعبت منه
مابحب الا نفسه واصحابه والعيال مايدري عنهم الااذ سوا خط قام ضربهم
رامي المسوليه علي في كل شي
هو يدخن حشيش ويخذ حبوب من تزوجنا
لاتقلون انصحيه تعبت قلت يجي يوم ويتركه