بالنسبه لي 3 سنوات من تزوجت وكنت متحمسه للأفكار الحلوة والرومنسيه
ودايما اسويها له و ورود وهدايا وليالي رومنسيه وهو ولاشي ماقد شفت منه شي مو بخل بس عدم اهتمام بهالامور
واخرتها كان زعلان ورحت مع ابوي واشتريت له باقه ورد ولما جاء حطيتها له وقال انا مايهمني هالحركات واخر اهتمامي و و وو المهم انجرحت وتبت ماعاد اسوي له شي..حتى لما اشوف الورد من بعيد على طول ابكي واحس جرح بقلبي.. ..ودايم اطلبه واشششحته نروح يوم وليله في فندق نغير جو شوي ..تصدقون اخر مره نمنا في فندق في شهر العسل ..والحين رافض مررررره
المهم راح اكمل 3 سنوات الاسبوع الجاي ولمحت له اني ابسوي حفله صغيرة وتغيير للروتين وهو فهم الموضوع ..(قبل كم يوم دخلت عليه وهو جالس عالكمبيوتر ويبحث في قوقل عن مطعم رومنسي وحلو بجده ..هو تلخبط وانا ضحكت وقلت له دووم مو يوم ...وانا من قلبي فرحااااانه
..وقلت ان شاء الله تغير))ولمحت له اني ابغى اغراض من السوق قميص نوم جديد وقال طيب بس مارحت للحين
المشكله ابغى اخذ له هديه ماادري وش اخذ والمشكله الاكبر اني ماعندي فلوس ولا مصروف ولاشي ولازم اطلبه وهو بيعرف قيمة الهديه الي ابشتريها له...ولما افكر بهالموضوع اقعد ابكي واحيان افكر اني مااسوي له شي
ياناس تعبت من الروتين والملل في الحياة الزوجيه حتى في نومي معاه مااعد افكر اسوي له حركات ولا شي مااتحرك من عالسرير وش الحل؟؟؟حتى لما ننام كل واحد يعطي الثاني ظهره ولا نتكلم عن اي
شي..احس اني انا واياه مانعرف وش نقول او وش نسوي قبل النوم..ياليت تعلموني بحركات وافكار حلوة احيان بس اقول له تصبح على خير ويرد علي..
اعتبروني اختكم الصغيرة وعروسه وماتعرف شي بهالامور
وعلموني كل شي مو بس بالجنس لا حتى عالسرير قبل ماانام وابغى شي يبعد عنا الملل 
والروتين في الحياه في كل شيانا رومنسسسسسسسيه وهو يحبني بس مايعرف يبين هالشي ولايصير رومنسي كيف اخليه يبادلني الشعور والاهتمام...؟؟
وهو مو مقصر معي بشي الحمد لله
يالله اللي عندها خبره تعلمني وتعطيني افكار للحفله وافكار للحياة اليوميه وكسر الروتين
وكيف اتصرف معاه واخليه رومنسي ..
وجزاكم الله الجنة
واللي ماعندها خلفيه عن الموضوع تدعيلي
الله يخلي لي زوجي ويحببه فيني ومايشوف غيري ويحنن قلبه علي ويحفظ لي بنتي ويرزقني بالولد الصالح البار))