مشكلتي مع زوجي بخصوص الشغاله

مساء الخير خواتي


ببدا بقصتي طبعا انامتزوجه وعندي ولدين الله يحفظهم ويخليهم لي ولايحرمني منهم وحامل بالشهر الرابع

المشكله يابنات حملت وولدي صغير عمره 7 شهور ولابعد وولدته بعمليه وحتى ولدي الاول عمليه لان الحوض عندي ضيق


المهم انا تعبانه وربي من شغل البيت وعيالي وتعب الحمل طبعا زوجي اول ماعرف اني حامل قال لي ابشر بجيب لك شغاله ولاتشيلي هم البيت والعيال واهم شئ راحتك


قد ايه كلامه ريحني بعد ماكانت نفسيتي تعبانه للاخر ماكان ودي احمل بدري وانتو عارفين التربيه صعبه الله يهديهم

طبعا اتفقنا وش نجيب شغاله وكل شئ



كل ماقوله يالله متى تقدم لي شغاله قال لي عالشهر الجاي الحين وربي مضغوط ومن هالكلام

واسكت واقول يمكن مزنوق وراح اقدر وضعه وان شاءالله الشهر الجاي نقدم شغاله

استغربت في يوم من الايام الاجاني يقولي وش رايك بلاش نقدم شغاله مصاريف واخاف اجيبها تهرب ومن هالكلام واجيبلك شغاله حبشيه تجيك في فتره نفاسك وتروح

انا هنا خلاص عصبت وربي بكيت قلت من اللي غير رايك قال والله واحد من الشباب قال لي كذا

قلت وش دخله فينا نقدم ولا لا هذا اللي استفدته من قعدتك مع الشباب يحرشوك وانت على طول تسمع كلامهم

مع اني متاكده اهله لهم دخل بالموضوع ومتاكده هو قالهم اني بيجيب لي شغاله وحرشوه انه مايجيب


لان زوجي كان موافق من البدايه يجيب شغاله بس بعدين لاحظت عليه كل ماجيب سيره الشغاله يطلع لي عذر


ويصرفني بالذات بعد مانزل عنده اهله قبل 3 اسابيع كان عنده كورس وانا مانزلت معه ولما رجع حسيت انه متغير بخصوص الشغاله وانه يصرفني

طبعا يتقولون وش اللي خلاط تقولي اهله حرشوا زوجي

سلفتي قدمت شغاله ولما دريت عمتي سوت مشاكل وليه تقدم وهي مو بحاجتها طبعا عمتي وش سوت قالت حتى انا ابي شغاله قدموا لي علما ان عمتي ماتحب الشغالات بالمره تجيب من اللي يشتغلون بالشهر مايجلسون عندها حتى نص يوم تطردهم ماتبيهم


بس ماخذتها عناد الله يهديها مع ان عيالها قالوا لها من زمان نبي نقدم لك شغاله بس قالت مابيهم ببس لما قدمت سلفتي عصبت وزعلت وقالت قدموا لي عشان كذا انا متاكده اهله لهم دخل بالموضوع وقالوا له لاتقدم لها وجيب لها شغاله بالشهر وتروح



والله مو عارفه وش اسوي

حتى الاسبوع اللي راح رحنا الدمام على اساس نقدم الشغاله قلت له ابي اعبي شروط حقت الشغاله قالي ابشر ولما وصلنا المكتب قالي ليه ماتخليني اعبيها انا منتي واثقه فيني قلت مو قصه ثقه بس ابي اعبيها انا وش فيها قام عصب انتي تبين الشغاله على كيفك وتتشرطي قلت له انا ليه جايبه الشغاله مو عشان تشتغل لي ووتساعدني ولاني محتاجتها وانت عارف وضعي من حقي انا اكتب الشروط اللي ابيها قام عصب قالي بلا شغاله بلا هم ماني جايب لك شغاله وسكت ورجعنا البيت متهاوشين ولحد الان مانكلم بعض


بالله ينات من الغلطان انا ولا هو ليه يتهرب مايبيني ااكتب شروط الشغاله وليه يوعدني انه بيجيب لي شغاله والحين تراجع بكلامه الالانه احد حرشه علي


وربي اني تعبانه للاخر من الحمل ومن عيالي الله يهديهم غير شغل البيت اللي ماينتهي بيتي كبير دورين ودايم يجوني ناس يعني بحاجه الشغاله حتى قلت له بس ابيها تشتغل سنتين عشان تساعدني بولدي الصغير وانا اهتم بالبيبي والكبير طول وقته معه ابوه وبعدها ماني مقدمه على شغاله لان بيصير ولدي الكبير اول ابتدائي وولدي الثاني يكون عمره اربع سنين والبيبي يكون عمره سنتين يعني مابصير بحاجتها بعدين


بس مدري وش غير رايه


بالله ساعدوني يابنات وش اسوي معه لاتجي وحده وتقول لي سوي كذا واقنعيه انه يجيب


مابي اذل نفسي له لان اقنعته كثير وبعدين يتراجع عن كلامه

ولا راح اروح له لاني ماغلطت عليه وانا اللي زعلانه منه مو هو


ابي منكم تقرون موضوعي وتعطوني رايكم وبامانه وصدق

تكفون ساعدوني ورب ينفسيتي للاخر تعبانه
ولحد الان مانكلم بعض مع انه يجي يكلمني عادي بس انا مطنشته ومبينه له اني زعلانه عليه


:44:اللي ماعندها رد ترفع الموضوع بدعوه ان ربي يسخر لي زوجي ويحنن قلبه علي ويحس فيني

اختكم ام خالد