مشكلتي مع زوجي بخصوص الشغاله

صباح الخير بنات


انا متزوجه وعندي ولدين الله يحفظهم الكبير عمره 4 سنه والصغير عمره 10 شهور وكانت ولادتي فيهم قيصري طبعا كنت اخذ مانع وحملت وانا اخذه والحين حامل على نهايه الشهر الخامس وربي تعبت وماكان ودي احمل لاني ولدي صغير هذا غيرالعمليه والامها لاني ماطبت منها بسرعه من كثر ماشتغل بالبيت وكرف





المهم اول ماطلعت حامل قال زوجي ابشري بالشغاله راح اقدم لك وربي من قالها خفف جزء من تعبي لاني شايله هم البيت والعيال ولمن اولد كيف اهتم بالعيال وانا توني والده قيصري ووقتها بيكون ولدي الثاني عمره سنه وشهرين يعني معاناه كيف اهتم فيهم الاثنين البيبي عارفين الشهور الاولي بس بكاء ومغص والثاني يبي له اهتمام هذا غير لمن ابي اطلع كيف اشيلهم الاثنين وولدي الكبير ماشيل همه بسم الله عليه هادي وطول وقته مع ابوه

الزبده


اكل ماقول لزوجي متى تقدم شغاله قال قريب لاتشيلي هم

واخره مره قلت له من شهر ونص متى راح نقدم لانها راح تطول واخاف اولد ومايكون جت قال خلاص بطلت اقدم قلت له ليه قال بس كذا وربي طيله هالشهر اسبوعيا وحنا متزاعلين ويجي يراضيني اقوله متى تجيب الشغاله قالي عشان جيت اراضيك تتمصلحي مني قلت له عيب عليك وربي عشان محتاجتها وانت وعدتني فيها تقول اتمصلح انت عارف وش قد محتاجتها الحين بسبب حملي وشغل تالبيت وعيالي وفوق ذلك ماطلبت منك تجيب لي شغاله بعيالي الاثنين لان ماولدت بولدي الثاني الا لمن كان عمرالكبير سنيتن ونص وماشلت هم البيت ولا العيال لان الكبير هادي والثاني صغير وكنت كل شهر اجيب شغالتين تنضف لي البيت وتروح مع انها غاليه وربي



بس الحين وضعي غير حملت بدري وولدي صغير يعني محتاجتها بس حق سنتين وبعدها بسفرها لان ماعد بكون محتاجتها ولا راح احمل الا بعد 5 سنين لان تربيتهم صعبه


المهم حاولت فيه رافض جلست ابكي قلت توعدني وكل مايجي اسبوع تقول بقدم وبعدين تصرفني بمليون عذر وتقول لاتشيلي هم مو انتي تبي شغاله خلاص حطي براسك ماتولدي الا والشغاله عندك وش تبي اكثر والحين تقولي رافض



وربي يابنات احس بموت قهر يكذب علي ليه تو من اسبوع متزاعلين بسبب الشغاله وامس جاي يراضيني جيت ابي افتح موضوع الشغاله خفت نقبلها زعل ونرحع بهواش وهم وانا كرهت نفسي وربي لنا اكثر من شهر ونص وحنا بهواش وزعل ومشاكل


وش اسوي معه وشلون اقنعه يقولي تولدي عند اهلك وامك تهتم بالعيال ماحد بيتحمل عيالي كثر ماتحملهم احمل واولد وبالنهايه روحي لاهلك لامتي على هالحال اهلي بصراحه مايتحملو اختي امس تكلمني تقول امي كلمتها تقول فلانه اللي هو انا ماقالت لك وين تولد قال اختي احتمال تجي عندكم قالت والله ماعاد فيني حيل اغير واحفظ للعيال تولدي عن زوجها ويجيب لها شغاله وربي بكيت وش اقول لزوجي امي ماتبيني اولد عندها صح امي مو ملزومه بس موالمفروض تقول هالكلام او على الاقل تجامل وانا ضد اني اولد عند اهلي لانو انا اشوف الوحده مو لازم كل ماحملت راحت عند اهلها هو اهم شئ اول طفل تروح لاهلها عشان لسى ماتكون عارفه وشلون تتصرف مع البيبي وبعدها يكون حملها ونفاسها ببيتها لان زوجي اولى يتحملني ويساعجني بعيالي ابوي طول وقته بالشغل وامي طول وقتها مع جاراتها يعني لو مرض احد من عيالي ماحد بيقوم فيهم غير زوجي


وش الحل معاه الحين مع ان راتبه ماشاءالله 14 الف ريال هذا وغير عندو مبلغ الشغاله حاطه بحسابه وماصرف منها ريال على اساس نقدم فيه الشغاله


وشلون اتفاهم معه وشلون اقنعه يابنات اخاف افاتحه بالموضوع اليوم يقولي تتمصلحي ونقبلها هواش وانا وربي ماحب الزعل والنكد بالبيت

بس ابي اقنعه وشلون تكفون ساعدوني