مشكلتي مع زوجي تعااااالو ابي اراءكم

كيفكم يابنات عالم حواء

بادخل مشكلتي علطول وابي مساعدتكم وتوجيهاتكم للي عندهم خبره


انا اكتشفت امس ان زوجي احتلم وشفت هالشي بملابسه

واخر مره نمناها سوا قبل 8 ايام !!

يعني قلت في نفسي ليش ماطلب مني طيب انا كنت عند اهلي لانه هو دايم مشغول بعمله وبرا البيت بس بيت اهلي مره قريب وش المشكله؟؟؟

بصراحه قهرني تصرفه وداااايم اصلا هو في هالشي يقهر يعني مو زي باقي الرجال احسه

يجي يطلب هالشي من زوجته وكذا لااا هو يجلس مسوي ثقل مدر يو شالسالفه الين اجي انا واطلب منه

مو حلوه هالحركه بحقي بس من قهري منه

ولما واجهته طبعا ارسلتله رساله عالجوال قالي كويس انك شفتي بنفسك علشان تعرفين انك مقصره معي

قلت انا مقصررره؟؟؟؟؟!!!! يحاول يسوي انه مو منحرج من نفسه

يعني احسه تبلى علي

وقام يدخل السوالف ببعض ويقول حجج مالها علاقه بالموضوع

يقول انتي بس جالسه تشغلين الرقيه قلتله طيب وش فيها انا اسمع الرقيه وانا اطبخ وين المشكله؟؟!!

لاني انا تعبانه بس حتى تعبي يقول عني موسوسه ؟!!

ويقول انتي بس تبين تادية واجب ومن هالكلام وانا احسه ماقال الصدق والله

وقام يقول اعذار سخيفه وخلاني انا الغلطانه اخر شي

وصلا دايم احسه يبغاني انا الحق وراه لما يشوفني جالسه بالصاله مايجلس معاي يروح للمجلس يعني لازم الحقه للمجلس علشان اجلس اسولف معاه ولما اجلس يايطقطق عالنت او يرد رؤؤس اقلام ماعمره فكر يسولف معاي حتى ما بينا كلام بس بخصوص البيت العيال

والحين مقفل جواله وماجاء يفطر راح لاهله

انا مره متضايقه من تصرفه واحس عنده مشكله بنفسه وقالي الله يرحم الوالده بس الظاهر يبغاني زي امه من بالله عليكم يقدر يحل محل الام ؟؟؟ خاصة انه كتوم ومايفضفض ومادري وش يدور براسه ولا وش يبي بالضبط