قولي لها بدأتي مشوار التنازلات والتضحيات ومشيتي فيه بسرعة جنونية
النتيجة الحتمية واللي المفروض انها متوقعة .. الخبر اللي صدمك طبعا !!
ليه تنصدمي ؟؟ وليه ماجا على بالك انه ممكن يصير اللي صار ؟؟
ثقة عمياء في غير محلها بصراحة ..
الواحد لمن يمشي في طريق وهو مغمض بخطوات غير محسوبة
وهو عارف ان قدامه هاوية غيره كثير طاحوا فيها كل يوم يسمع عنهم
من السذاجة انه يتوقع انه لمن يقرب من الهاوية تصير معجزة وتتحول له طريق ممدود وآمن !!
عطيتيه بدون حساب وفضلتيه على نفسك وكنتي بالنسبة له الدجاجة اللي تبيض له بيض ذهب
مستغربة انه يستفيد من البحبحة والدلع اللي قدمتيهم له !!
ايش الحل في رايك ؟؟
الرجال كان مستغلك احلى استغلال ..
ولولا ارادة الله انه يصير له الحادث ماكنتي عرفتي ..
القرار راجع لك .. اما انك تتقبلي الوضع الجديد وتكملي معاه
او تنفصلي عنه ولك الحق لو فكرتي في الانفصال مو لانه تزوج عليكي ..
لانه استغلك واستغفلك سنين طويلة ..
وفي الحالتين لابد من المواجهة والمحاسبة
لو تقدري تسترجعي من فلوسك شي يكون احسن
اي شي دفعتي فيه كامل المبلغ ومسجل باسمه طالبيه يحوله باسمك
لو دفعتي النص وهو النص .. يتسجل قسمك باسمك .. بيت .. ارض .. اي شي ..
مع اني اتوقع انه يرفض وبيقلب لك على الوجه الثاني ..
استغلي حالته الصحية وان ربي نجاه من الموت وطالبيه بحقك
ماتدري .. يمكن اللي صار له خيرة لك وصحى ضميره
واذا رفض قولي له بدعي عليك ليل نهار
اللي صار لك يمكن دعوة مني من غير قصد
يمكن انظلمت في يوم ودعيت ربي ينتقم لي من اي احد ظلمني
ولا كان في بالي ان زوجي واحد منهم .. وشوف ايش صار لك ..
خوفيه بالدعاء وان شاء الله حقك يرجع لك ..

والله موقفها صعب وصدمتها كبيرة
لكن لازم تفكر بعقل وتصحصح لان وراها مشوار طويل عشان تصلح اوضاع غلط صنعتها بيدها
الله يكون في عونها ويلهمها التصرف الصحيح ..

خدي فلوسك منه
باي طريقة كانت
خليك طيبة معاه
قولي له ابغى اشتري لك وافعلك ووووو
اهم شي تكتبي الارض باسمك
واسحبي عليه اخدعيه زي ما خدعك
وبعد ما يكتب الارض باسمك
عيشي حياتك معاه زي اول 
وارضي بقضاء الله

لاحول ولا قوة الا بالله

لاحول ولاقوة الا بالله
الله يربط على قلبها ويؤجرها

معليش هي غلطت من البدايه يوم انها تعطيه بطاقتها وفلوسها

والحين يوم تزوج هي زعلانه انه ليش تزوج؟؟؟


المفروض تزعل على فلوسها الي راحت مو عليه هو بالطقاق الحين اهم شي تروحلها دام خف من مرحله الخطر وزي ماقالت وحده تاخذ املاكها

منه امكن وهو مريض يخاف ربه وبعدها ماتعطيه قررررررش ولا لصرافه نهائي وتعيش لنفسها ولعيالها واذا ماقدرت تستوعب انه

متزوج وله بيت ثاني مو مجبوره تجلس وتقهر في نفسها وتاكل نفسها تتطلب الطلاق بس تخليه أخر حل ...


وكلام الاخت Plum and bear صحيح والله يوفقها