مشكلتي مع زوجي رأيكم بكل المواقف ضروووري

السلام عليكم ورحمة الله وبركاتة
مشكلتي ببساطة صار موقف مع زوجي كان يدور شريحه الايباد وهو طلعها وتركها مكانها
وانا طبعا ما شلتها ولا مسكتها
المهم راح يدورها بالمكان اللي تركها فيه وجاني ييقول ما لقها المهم يقول لي الله يهديك مهملة
ما تشيليها < عاد هنا ودي اصفقه يسوووي الشيء ويحط الذنب علي
الثانيه جاني يقول اوراقك بالصاله ع جنب وخلصت الدارسة روحي شيليها قلت طيب
وقمت عشان ادور الشريحه معه واشيل اوراقي راح هو غرفة النوم وقال خلاص لقيتها انا طلعت
احرص منك
المهم شافني وانا بالصاله اشيل بالاوراق وقالي ياختي عندك ادراج وحطي اوراقك فيها
عاد انا رديت عليه وقلت انا وش قاعدة اسوي جايه اشيل الاوراق > يقول ان اسلوبي فيه نفخ واني نفخت
عليه بصوت عالي وانا يشهد الله علي اني قلت ذلك عادي وعلمته اني جايه اشيل بهالاوراق
الزبدة فتح علي باب جهنم وزعل وقعد يهاوش وقالي انا تكلمت معك ب احترام تكلمي معي ب احترام
طلع مع صاحبه ورجع مره ثانيه وسوى لي محاضرة جزء ثاني !!!!
وقعد يهاووش انتي مو مؤدبة لو مؤدبة تحترمني ولا تعلين صوتك على زوجك ومن هالكلام
وهو يتكلم وانا اتصفح بجوالي وقال لي انا اتكلم معاك وانتي مطنشتني وتناظرين بالجوال
ومسك السماعات حقت الايباد وقطعها ومسك الريموت ورماه وانكسر وهذا ثاني ريموت ينكسر
واخذ جوالي وقفله ورماه ,, بصراحه وش رايكم بهذا الموقف ؟؟

وعلى فكرة اذا جاء يتفاهم معاي طبعا يكرر اسطووانه علي دايما يقولهها
وهي اللي تبغى رضا زوجها تسمع كلامه ,, ترضيه ,, تحافظ على مشاعره ,, تهتم ببيتها وعيالها وزوجها
وانا عمري ماقصرت معه بشيء كل شيء اقوله طيب بس احيانا اكون تعبانه ما اقدر اسوي شي لكن اسوي
اللي يبيه بكل شيء ولا عمري قلت له لاااا او رفضت طلب ,,
انا حامل بالشهر بالتاسع ويجيني بالمطبخ ويقول المروحه ماعمرك نظفتيها وهي فعلا كانت مرررررررة محمله بالغبار قلت ماالحقها قال لي الشي اللي ماتلحقينه تقولين لي وانا اجي اسوية لك والقريب لاتتركينه مع العلم اني مالقيت شغاله والبيت له شهر ماعمره ماتكنس الان ولااحد ينظفه بسبب اني مقدر اشغل المكنسة الكهربائية لانها ثقيلة
المهم بعد المساعدات التي يقدمها لي بالبيت لا تهاوش معاي يعددها علي ويتمنن اني سويت معك وساعدتك بالمطبخ والغسيل والبيت كله وانتي تنفخين علي مع العلم اني ما جرحته بكلمه ولا اهنته فقط رد لا غير ,,

الموقف الثاني :

مرة كنت رايحه الدوام وبودي بنتي عند الحضانه وملابس بنتي فيها شوي شوكلاته على البلوزة ووقال لي غيري لبنتك مايصير تودينها وملابسها متسخه والناس مايسسوون كذا والحرمه وش تقول عليك اللي بتحطين البنت عندها ولو مومقتنعه بكلامي اسالي اختك الكبيرة وشوفي كلامي صح والا انا غلطان ورديت وقلت له ياشيخ روح بنفخه وتنرفز وزعل مني
وصارت مشكلة ..يقول نفختي عليه مع العلم انه كان يتكلم معاي بطيب وبصوت راخي

الموقف الثالث

هو متفق معايه ويقول اذا طلعنا برا البيت والسيارة كانت ماشية انه اطلع عيوني عادي بس لمن توقف السيارة عند بقالة او اي محل نزلي الغطاء على عيونك وانا موافقه على كلامه بس يوقف عند بقاله ويجي ويلاقيني مطلعه عيوني عشان تجيني رسايل واتس واجلس اقرء او ارد واحيانن انسى


ومرة كنت على الجوال وجاتني بنتي ودفيتها وشافني وزعل وسوى مشكلة

مع العلم انه طيب معاي واحيانن يشتغل في البيت وينظف ويكنس ويبخر ويغسل المواعين ويغسل ملابسي كلها ويجيب الاكل لين عند راسي وانا نايمه ويصحيني واحيان لمن نكون طالعين من البيت في الصباح بيوديني العمل مايخليني اطلع من الباب الا بعد مايبوس راسي وياخذني في حظنه مو دايمن احيانن
وانا في التاسع الحين حامل ومن بداية الشهر قال لي معاد ابيك تدخلين المطبخ اقعدي وانا اخدمك ودايمن يمشيني ومايحب يطلع يروح اي مكان الا وانا معاه
واسوي كل اللي تبغينه ومتفهم نوعا ما لكن ما يصدق مبرراتي ولا يقتنع بكلامي رغم اني احلف اني صادقة
ولا اتعمد اجرحه بكلمه ولا اهينه ولا عمري فكرت بهذا الاسلوب لكن مصر اني انفخ عليه بردودي مع اني والله اشوفها عفوية ولا فيها لا سب ولا اهانه ولا تجريح بس يقول انك تنفخين علي ؟!!!



الان السؤال هل انا غلطانه او هووو
وماهي الحلول بنظركم