يااختي اللي يسويه زوجك طبيعي
فيه رجال مايحبون ينامون مع الحرمه وهي بالنفاس
ولا يقربون لها وهذا طبيعي مايزعل

بعدين الرجل تتعب نفسيته لما تكونين قريبه منه
وما يقدر ياخذ حاجته وانتي فاهمه قصدي فيبتعد لان بعده اهون عليه
ونومته جنبك تضايقه اذا ماكان فيها اللي يبي

عشان كذا لاتحكمين لما تخلصين نفاس
وشوفي التغير ان شاء الله بس لازم انتي تغيرين كلك واهتمي بنفسك هالفتره
ويمكن اذا كنتي تاكلين ادوية نفاس ترى بعض الرجال مايتحمل ريحتها

وانا ببنتي البكر رجعت لبيتي قبل تمام النفاس وكان مطيزني 180 درجه وكنت عادي لاني عارفه
ايش السبب لكن بعد النفاس غيرت شكلي واهتميت بنفسي وجهزت نفسي وغرفتي
وبديت اسوي اشياء جديده واغير في حياتنا عشان مايحس ان وجود البنت سبب في تقصيري او تغيري

فلا تتضايقين وتوكلي على ربك وبعد النفاس لكل حادث حديث

يابنت الحلال الله يهديك توك باول شهر من ولدتي
على طول حكمتي على حياتكم
انا احس اريح لي لو ينام برا ليش غصب تبغينه ينام معك
وبعدين انت الله يهديك كان قعدتي عند اهلك لين خلصتي نفاس وبعدها تفاجئينه بلوك جديد
هو اكيد متضايق مشتاق لك ومتغير عليه الوضع ومايعرف كيف يتصرف
يعني كل شي طبيعي
ترا الرجال مثل الطفل احيانا مايعرف يعبر ولا يتصرف
عموما اختي هدي بالك الطلاق ابداااااااااااااااااااااااااااااااااااااااااااااا ماله داعي بمشكلتك لان شوي شوي بتقولين ابي الفكه من كثر ماهو لاصق فيك وبنتك :22:

حبيبتي شوفي هذي طريقتي وانا عندي اربع اطفال
اذا جاء وقت النومه ادخل الغرفه معه ونومي البيبي قبلها ونقعد نسولف وادلعه وامسح على شعره ووووووان كان يبغا مني شي عطيته وبعد ما احس انه خلاص دخل في النومه اسحب نفسي انا وبنتي واروح بغرفة التلفزيون فارشه فرشتي وعفش وعفش بنيتي وانا طبعي اسهر واحيانا انام واقعد الين مايقوم للعمل اكش عفشي وروح غرفتي
وحتى الظهر بعد الدواما سوسي مثل اليل
وبكذا كل مادخل الغرفه وانا معه حتى والله مايدري يحسبني نايمه بالغرفه طول اليل

البنات ماقصروا
شيلي من تفكيرك الطلاق الحياه محتاجه صبر
ولازم تدورين حلول مو على طول كذا ياقلبي
وبنتك وش ذنبها المفروض تعطينها حنان وتدليعنها توها صغيرونه
الله يوفقك ويسعدك

??????????????
حبيبتي اي طلاق واي كلام فاضي؟؟؟؟وش تحسبون يالحريم الطلاق لعبه؟؟؟؟ترا الرجل مافيه شي عنده اسهل من الطلاق كلمه ينطقها ويريح باله!!!!!وكل شي وكل الملام يصير فوق راس الحرمه!!!
الرجل اكره ماله يحس بوجود احد يهدده حتى لو تصير زوجته!! وبعدين وش كلامك يتعدل ومايتعدل؟؟ هو ضربك؟؟ عصب عليك ؟؟ خانك؟؟ اعرس عليك؟؟عشان اشياء بسيطه وتافهه صار الطلاق لعبه!! طيب افرضي على قولتك هددتيه بالطلاق وقالك الباب يفوت جمل روحي انتي طالق.. علميني وش كسبتي؟؟ انسانه مطلقه عشان تسرعها وبين ايديها طفله بريئه مالها ذنب وببيت اهلها الكل يرمي عليها اللوم وعلى فكره لاتحسبين الدلع والدلال اللي شفتيه من اهلك قبل زواجك بيرجع بالعكس الكل بيشوف انك انتي اللي خربتي حياتك بيدينك...ولازم تتحملين اي رد فعل او كلام قاسي او جارح او عدم اهتمام من قبلهم....كل هذا بجهه وقسوتك على بنتك بجهه ثانيه.. ليش تقسين علىها وش سوت لك هيى؟؟ عشان ماحضنك زوجك او باسك او نام معك تقسين على بنتك؟؟؟ليش تحملين اجل؟؟ ماحطيتي اعتبار للي بيصير؟؟لاتظنين انك بتبقين عروس طول عمرك .. خلاص الوحده اذا جابت طفل لازم تتحمل مسؤليته..لاتظن نفس حياتها الاولى بتستمر على نفس الرتم ,لا حبيبه قلبي انتي غلطانه لو ظنيتي هالظن...لازم توازنين بين بنتك وزوجك...
وعلى فكره زوجك الان توه مابدا يحس بغيره من البنت... وبعدين دام انتي رجعتي قبل تتمين اربعين يوم من اول يوم رجعتي لبيتك عزلتي نفسك وبنتك بغرفه ثانيه والله لوهي غرفه التلفزيون وماخليتي زوجك يطلع من غرفته مهما يكون انتي اللي اطلعي عنه مو تلزقين له حتى وانتي بالنفاس... وبقولك كلمه زوجك مايطلع من الغرفه بسبب بنته لا ,, يطلع مايبي يصير معك لان المتعارف عليه لازم الزوجه تصير بعيدة عن زوجها طول اربعين ويمكن خمس واربعين يوم..لان الزوج بنظره ان الحرمه ماتطهر وتنظف الا بعد اربعين يوم...
بقولك شي وعن تجربه... انتي اللي ابعدي عن زوجك...واتركيه بغرفته ابعدي ومعك بنتك نامي بعيد عنه... اتركيه... وبعدين بقولك شي لاتخافين انه يلعب بالنت عشانه لحاله هو لو يبي يخون كان خان قبل انتي ماتجين بيته موب يحتريك حتى تجين و يخونك!!!
ابعدي عن زوجك حتى يشتاق لك واياك تقولين له ليش ماتنام معي توك انتي مالك شهر والده....
اذا خلصتي اربعين يوم غيري بشكلك اصبغي قصي غيري ميك ابك غيري ستايلك بالملابس غيري ترتيب غرفتك حطي مفرش جديد حطي شموع وابدي حاولي تعودين بنتك ماتكثر نوم بالنهار عشان تنام زين بالليل..اذا كنتي تبينها تنام معك بالغرفه جهزي رضاعات وترمس ماءدافي وحليب نوميها قبل جيه زوجك واسهري معه واذا جيتي بتنامين افتحي الاباجوره وشيلي بنتك وهي ملفوفه بالمهاد ونايمه وعطيها حليب واذا خلصت حطيها بسريرها عندك وطفي الاباجوره ونامي واذا حسيتي انها بتقوم بالليل وهي جايعه بسرعه قبل لاتبدى بالبكا سوي حليب وعطيها اياه وهي ملفوفه بالمهاد لاتفكينه الا لو كنتي بتعدلين فيه وعطيها الحليب بسرعه قبل لايصير لها صوت ويقوم زوجك وحطيها بسريرها...بعض الاطفال مشالله يصير نومهم هادي وهم اللي يسوا لهم هالطريقه.
اذا كانت بنتك تقوم كثير بالليل.. احسن شي انك تسوين مثل ماقالت الاخت يارب تحفظ اهلي..وانا عن نفسي اسوي كذا عشان مازعج زوجي وازعج بنتي وازعج نفسي....
معليش اسمحيلي على صراحتي ماودي اجاملك.. ودي انك تعرفين وش تسوين وابعدي كلمه الطلااااااق عن مخك...واعتقد اللي زاد الطين بله ان جايك مثل ماجاني وهو شي عادي اللي هو اكتئاب الولاده... حبيبتي وسعي صدرك واللي بزوجك شي عادي يصير لاغلب الرجال وصدقيني بيرجع زي اول بس بذكاء منك....