مشكلتي مع زوجي هي..

السلام عليكم
طبعا هالمشكله قريبه طالبتني احطها لها هنا وبتشوف كل ردودكم بكتبها لكم بالضبط زي ماقالت لي
انا بنت ببدايه الثلاثين متزوجه لي 8 سنوات وعندها بنت وولد
تقول زوجي راتبه من لما اخذته تقريبا 9 الاف بس عليه ديون مثل البيت ايجار والسياره اقصاد
لاكن انسان طيب معاي يحاول قد مايقدر يوفر لي انا وعيالي اللي محتاجين
يعطيني كل شهر تقريبا 600 ريال وانا اشوفها كانها 100 ريال ماتقنعني لاكن هو ظروفه صعبه مايقدر يعطيني اكثر من كذا
طبعا هذا مصروف يعطيني اياه خاص فيني يعني غير الاكل والمطاعم والقطات حقت الطلعات ولبس العيال ولبسي منه
يحترمني ويحترم اهلي فوق ماتتصورون لدرجه شايل امي كانها امه
لددرج تقول اذا جاء من الدوام مالي خلق اسوي غدا فنطلب او اسوي اي شي سريع له لو خبز وجبن تقول مايخانق ولا يتشرط
اما العشاء تحلف تقول من لما اخذته ماذكر سويت عشاء طول اعمارنا مطاعم العشاء على حسابه

بتقولون فين المشكله
مشكلتي اني صرت الاحظ البنات اللي بعمري كل عطله مو كل سنه كل عطله سفرات اللي باروبا واللي باسيا
واللي بتركيا واللي واللي كل وحده احسن من الثانيه وهم معهم على 4 عيال ومتزوجين قبلي ومن لما تزوجو يروحو ويجو
لدرجه بعض البنات اشوفهم يروحون دبي والكويت ك طقطقه يعني مايعتبرونها سفره مجرد تمشي وتضيع وقت
انا يابنات قسم بالله من لما تزوجت ماسافرت شي غير دبي 4 مرات ويوديني كل عطله داخل السعوديه المدينه وجده ومكه لاكن ابد ماقتنع
مع انه يحجز لي افخم الفنادق بالمدينه وجده ويسكني افخم شي والكوفيات والمطاعم اروح لافخم شي
هي معترفه انه يعشقها مو بس يحبها لدرجه يحاول يرضيها باي شي لاكن تقول

لدرجه اذا سفرني لازم نتمشكل ونزعل لاني بكل صراحه اشوف الناس كل وحده مسافره دوله وانا حدي جوا السعوديه اجلس انق واغثه واقول
مالت علي وعلى حظي البنات برا وانا جايبني للسعوديه هذا حدي وانا ابي مثل غيري تقول بالموت يوفر كم الف ويسفرني بالعطله الطويله لدبي كانه يرضيني يعني
بس تقول تجيني هالحاله وهي اني ماقتنع جايبني لدبي والناس بلندن وتركيا وبعضهم وصلو جزر ؟؟
هي تشتكي ان نفس مجتمعها او اقاربها كلهم راعين سفرات بشكل ماحد يتخيله يعني ياليت كل سنه
كل عطله تقول فهي تقول كرهت حياتي وكرهت رجلي وكرهت كل شي من الشي هذا تقول تيلو اذا تجمعو عائلتهم
كل وحده تسرد قصص سفراتها برا وايش شافت وايش سكنت تقول ابكي من داخلي اتقطع من القهر
ليه هم يروحو وكذا وانا محرومه من الشي هذا تقول صرت اطلع حرتي بزوجي
اللي بتساله لكم يابنات حواء هل انتم كل عطله تسافرون برا ودول راقيه هل كل الناس صار همهم مثل مجتمعها ماغير سفر ودول واماكن
وكل وحده احسن من الثانيه انتم كبنات حواء خاصه اللي مايسافرو بعيد يعني حدهم دول الخليج
وش رايكم بعيشتكم بالوقت هذا هل انتم راضين عن انفسكم مبسوطين وانتم تشوفون العالم يسافرون برا وانتم محبوسين
شعور الغيره هذا غصب عن الواحد كل شخص يغار هاذي فطره بس هي تقول سبحان الله مافي شي يقهرني وجد اغار منه غير السفرات