مشكلتي بكل اختصار إني ما أعرف أسولف مع زوجي..
هيييي والله يعني أتم ساكتة ولا أعرف شو أقول .. أحس إني من داخلي أبي أتكلم و أقول بس أنسى كل شي إذا كلمته بالتلفون وسمعت صوته..
هالشي يسبب لي ضيق من نفسي ..نتكلم يمكن أقل من خمس دقايق ويسكر التلفون عني وإذا قلتله لا يقول لي إنت ما تسولفين وتمين ساكتة.. أنا أنحرج وايد, زعلانة على حالنا ..
لكن مع رفيجاتي أتكلم بكل طلاقة وأضحك وأنكت , بس أستغرب ليش مع زوجي ينقلب الموضوع حتى أحسه يتملل مني .. يعني اذا كلمته مثلا شو أقول؟؟؟؟ أقول عن اللي يصير معاي في حياتي بالتفصيل الممل ومن ياك ومن راح وشو سوت فلانة وشو قالت علانة؟؟؟؟ .. أرجوكم خبروني كيف تسولفون مع رياييلكم وعلموني
, انتوا حريم وتعرفون ياريت تدلوني وتقولولي الحل

في العادة نرى الأدوار مقلوبة ... المرأة تثرثر ....

و الرجل لا يجد ما يقوله , أنا العكس...

بالنسبة للكلام الحلو أنا ما أقصر وأعرف أقوله كلام وااااايد حلو..

بس السوالف اللي ما تطلع من لساني .. يمكن لأني بطبعي سكوتية ..


مع ربيعاتي أسولف عادي , ساعات أفكر أقول يمكن عشان ربيعاتي أكلمهم من وقت لوقت يعني كل أسبوعين أو أكثر فتتجمع الأخبار والمواقف وأقعد أقولها لهم لكن ريلي أكلمه كل ساعتين تقريبا وأقوله كل شي سويته أول بأول واللي صار معاي في هاليوم يعني أخبار فرش والأشياء اللي نسولف فيها مع ربيعاتي تخص الحريم والبنات أحس أنه ما يحبها مثل ما إن الرياييل تهمهم مواضيع احنا ما تهمنا مثل الكورة والمباريات والسيايير .. احنا ما نسأل في هالأشياء..

وبعدين أنا مخلصة جامعة وما عندنا أطفال وأتريا الشغل وياسة في البيت ويالله يالله جان طلعنا من البيت بنسير السوق أما باقي الوقت كله في البيت من وين بتي السوالف نفس الروتين اليومي في البيت بس أحس اللي في الجامعة أو الشغل تستوي لهم مواقف وايدة يقدرون يسولفون عنها

مرة جربت أسولف له عن قصة حسيت إنه يقول في خاطره " هذي يا تسكت وما تتكلم وإذا تكلمت ما تسكت"

ما أعرف كيف أتصرف ...؟؟؟؟؟؟؟؟؟؟؟؟؟؟؟؟؟؟؟؟؟
الله يخليكم ساعدوني ودلوني على اللي أقدر أسويه وأخفف من هالمشكلة...