مشكلتي مع زوجي وبنتي

السلام عليكم




ما ادري لى متى وحنا نشتكي من ازواجنا




يا ناس زوجي راسه يابس من النوع الي يحب كلمته تمشي غصب

ولو مشيت كلامي الا ما ينكد علي

يعني مايصير لي شي حلو الا ينكد علي مستحيل يعدي شي من عنده بسلام

عرس عمي صياح وترجيته احضرة وبالموت وافق

عرس اختي بهذلني علشان يوافق من باب مالك حاجه بالعرس باركي لأختك واطلعي مالك حاجه بالناس

نفس الشي عرس اخوي يقول ماراح تزيدين ولا تنقصين وماراح يدري اخوك اذا جيتي او لا اتصال وباركي من هينا وصلى الله وبارك ليش التكاليف فستان ومكياج وسفر علشان ليله <<مع انه يقدر بس كذا حب توفير فضيع

المهم وافق بعد الموت

كل ما ابي شي يرفض كذا ابي جوال يطلع عيني اجلس اطلبه سنه واحيانا سنتين وبعدين يوافق

ابي لابتوب رافض الى الان يقول احمدي ربك عندك مكتبي

اقول ابي فرامة لان اهله كل يوم ماخذين فرامتنا لين ماطلعت فيها ريحه كرهتها مدري وش يحطون فيها
يرفض ويقول لو جبت
يعني لو << هذي اقرب الى المستحيل

بس لو جاب فرامه بيعطيها اهله يقول كيف ترضين تعطين اهلي حقتنا المستعمله عيب عليك الناس تعطي جديد وانا مو من باب اهديهم ماشاء الله يلعبون بالملايين <<الله لايضرهم

بس قصدي بغير فرامتي احب اغراضي الخاصه فيني لي خصوصا اغراض المطبخ محد يلمسها

احسه يشوفني حشرة ما يسوي من يتعب عشان رضاي مع اني قايمه فيه ومو مقصرة

المشكلة الان الي ابي حلها

بنتي الكبيرة دايم الا ماتنقط بول الله يكرمكم بملابسها تجلس تلعب تلعب ليييين تنزنق ماتروح الا بأخر لحظه لها الان تقريبا 3 سنين ومليت انا وابوها نعلمها والله لو نعلم جدار فهم

ياليت انحلت او خففت من المشكلة

بنت ابوها صارت تسويها (تتبرز) على ملابسها نفس الموال تمسك نفسها لين ماتسويها كامل على لبسها


انا دايم اذا غلطت احبسها في غرفة الحريم امس يوم سوتها انجنيييييييييت منها مت من الريحة الخايسه وانا اغسل لاعت كبدي

رحت حبستها ووديت فراشها وملابسها بالغرفة << يعني اني رافضتها بالبيت لين ما تتعدل

الابو انجن ليش تخوفين تحبسينها ليش تنومينها هناك مع انه منومها هو قبل يومين هناك ما عرفت حركة التنويم الا منه

قلت مالك شغل بنتي وبربيها بكيفي دام اني تحملت الموقف من اوله يعني غسيل ملابسها الوسخة والقرف الي كنت فيه

لانه لحظتها كان يطقطق بجواله ولا ساعدني بشي

قال لبنته اطلعي لغرفتك ماعليك من امك انا انجنيت وصرخة عليها اجلسي <<ليش يكسر كلمتي قدامها ومين هو علشان يتامر على سالفه ماعاني عليها

جلسنا في مشادات اجلسي اطلعي وكم مره اقولك احس لك لاتكسر كلمتي يقول ماعليك اطلعي لغرفتك

انا انهرت منه

وجلس يقولي انا الزم ماعلي بنتي وولدي والا انتي ماتهميني وماعاد تلزميني تبين تجلسين اجلسي تبين تروحين روحي ولا عاد اشوفك تعاملين البنت كذا لو يصير بعيالي شي منك بتشوفيني شي ماشفتيه

انجنيت قلت ليش انا مرة ابوهم تراني امهم يعني كلمتي فوق كلمتك 3 مرات

اذا ما تدري ادر واذا انا كنت ساكتة وامشي كلمتك مو ضعفا فيني بس احتراما لك قدامهم

يابنات عصبني مره يعني كسر كلمتي وجرحني بالكلام

يقهرني دايم يقول تراني ماني ميت بدونك
يعني لو فكرتي تروحين بعيش حياتي

قلت يعني انا الي ميته عليك حتى انا بعيش يقول كويس يعني محد بيتضرر

يعني في كل شي بالدنيا ماعنده مشكلة


يقهرني مرررررررررره واثق بنفسه والله مايهزه شي ابد ابد حتى المواقف القوية يعرف يطلع منها بقوة عين

دايم يقلب الامور لصالحه

دايم يتعمد يسوي لي شي كويس علشان يمسكه علي

يعني مثلا مانعني من شي وجابه ثم بعدها تمشكلنا يجلس يتمنن علي يقول احمدي ربك جبت لك الشي الفلاني يعني يضخم الي هو مسويه ولو كان واجبه اجل لو شي زايد وش بيسوي

او اذا تمشكلنى وكان موافق لي على شي يمنعني منه

اي شي احبه يمنعني منه اذا تمشكلنى مليت من الذل

كل مشكله يقول لاعاد تدخلين النت ماعاد فيه روحه لأهلك ماعاد اني بمشيك يعرف نقاط ضعفي والي احبه ويضغط فيها علي

يخليني انحني له غصب كرررررررررهته


دايم ذالني وهايني

وش اسوي فيه لانه كسر كلمتي كيف اتعامل معه والله من كثر المشاكل والضغوطات ما عاد اعرف وش الحل

او حتى كيف ارد اعتباري ابيه يحترمني كييييييييييييييف:icon33: