مشكلتي مع زوجي وعدم ذهابي لأهلي>>مُــــعدل

السلام عليكم..

وكل عام وانتم بخير..


اكيد البعض يعرف مشاكلي مع زوجي من اول ما اخذته بس الحين ماعاد اكتب مشاكلي لاني مليت وصرت اشكي لربي وحده,,

المهم رجعت لزوجي ب اول شهر ثمانيه بعد ماقعدت عند اهلي شهرين وعشر ايام بسبب مشكله وانحلت بتعهد زوجي كتابيا ودفعه رضوه لي قدرها عشر الاف ريال,.,

الحاصل اني لي اسبوعين اطلبه يودين لا اهلي وكل يوم يقول بكره والي بعده يعني لي شهر وكم يوم ماشفت اهلي وانا مابيني وبينهم الا ربع ساعه..

قبل امس قالي بوديك العصر وجهزت اغراضي ويوم نزلت بالدرج قال رجعي اغرتضك مو موديك الليوم بكره اوديك وعصبت عليه وبكيت لانه كل يوم يقولي بكره وركبت السياره ونزلني منها..

وهددته اني بدق ع اهلي وبروح ولاني راجعه وكلم ابوي وقاله الليوم ما اقدر اجيبها بيجيبها بكره وحلف انه يوديني .. ويوم جاء امس وهو يرفض رفض قاطع انه يودين ..

وقلتله ترا انا بايعه منب شاريه واي غلطه منك راح اقش عفشي واروح لاني بجد كرهته..وقال روحي انقلعي اصلا مابقالك الا طلقتين قالت هاتهم ماعاد ابيك انا وبروح لا اهلي وولدك بحرمك اياه سنه كامله قال عادي لوبغيتي سنتين..

لاني اصلا عارفه انه مايهمه اذا صارت بيننا مشكله اقعد عند اهلي بالشهور مايصرف عليه ولا يفكر فيه ..

ويوم طلع دقيت على امي وقلت خلي ابوي يكلمه ويقوله بتجيبها او نجي ناخذها تقعد عندنا يومين ثلاثه ونرجعها..

وكلمه ابوي وعيى وقال انا بجيبها بس اذا فضيت ..طبعا هو شغله بع\د العشاء ويطلع الصر للاستراحه يفطر فيها يعني يقدر يودين العصر لا اهلي ويطس للاستراحه..

وكلمت امي وانا منفعله واصيييح وقلت ماعاد ابيه وبتطلق منه وبكلم الشيخ اللي رجعنا لبعض وكتبه تعهد يطلقني منه كرهته..

ورحت صليت التراويح ورجعت وكلمني ابوي وقعد يهدي فيني ويقول اصبري عشان ولدك ويقول دامه مامد يده ماني متدخل واصبري واذا ماجيتي الليوم تجين بكره وانا ابي مصلحتك والطلاق مو نافعك وانا ما ارتحت الا يوم تطمنت عليك ورجعتي لزوجك ومايهمني الا راحتك وطول المكالمه اصيح واقول ان شاء الله ..

ومن امس العصر طلع ولا دق ولاسئل ولاجاء يتسحر وارسلتله اغراض للبيت ولا رد علي..

وطول الوقت ادعي عليه بالموت عشان ارتاح لانه هو راعي مشاكل وبلاوي ودعيت عليه وانا افطططططططر..

xx


قولولي شسوي اكرهه من تصرفاته عنده قانون ما اوديك لا اهلك الا بعد شهر وتقعدين عندهم يوم واحد بس واجي اخذك..

يارب شسووووي مليت منه ومن طبعه اللي ماتغير ولا بيتغير ..

اكرررهه حسبي الله عليه يتفنن بقهري ..

الحين اطنشه ولا ادور سواق اضف عفشي واروح لا اهلي واحرررمه من ولده لاني انا مكاعاد علي من احد اهم شي راحتي النفسييييه ابي اميييييييييييييييييي حسبي الله عليه xxx

قسسسم بالله احيانا انام ودمعتي على خدي من كثر شوقي لا امي ..

المشكله المسافه قريبه بس يقهر الله ينتقم منه ..


شورو علي وانصحوني ووجهوني وقولو اللي تبون