مشكلتي مع زوجي وعياله

السلام عليكم
حبيت افضفض لكم ..انا متزوجه لي 8 شهور ارمل وعنده 3 اطفال 2 يدرسون ابتدائي والثالث صغير 5 سنوات ... وعمري 29 وهو بالثلاثين اول ماخطبني فرحت قلت اكسب اجر بعياله بس مافكرت ببعدين ..
جابهم لي من 2 شهر لي وانا توي عروس وقال لانه مو مرتاح لانهم عند اهله زوجته الله يرحمها وكانو يهتمون فيهم وقلت مو مشكله
والله يابنات اني اسمع عن كلمة عروس ولا حسيت فيها ..ماتهنيت بحياتي ولا اخذت راحتي وكل وقته معهم وعذره بيعوضهم عن امهم .. وانا مهمشني طيب انا عروس محتاجه زوج وحنان وكلام ...وفوق هذا اقول اجري ع الله وربي مدلعهم لدرجة انهم مايحسبون لكلامه حساب ودايم اتكلم معه بخصوص هالشي واقوله لاتصير دايم حنون معهم ..خلك جدي بوقت الجد وخلهم يحسبون لك حساب وهالشي لمصلحتك عشان يتربون ع احترامك ويقول صغار مايفهمون واقوله اذا ماربيتهم وهم صغار ماراح تقدر عليهم وهم كبار ...
وربي يابنات كل مشاكلنا بسببهم ..يعني انا احاول قد مااقدر اسوي اللي علي وخاصه ان ماعندي شغاله تساعدني ..لان مايقدر يجيب بسبب ظروفه بس واعدني بعدين يجيب ..وهو يبيني مثل امهم ...مهما سويت والله ثم والله مستحيل اوصل لاامهم لان الام غير ...ودايم اتهاوش معه بسبب وهالشي ويحملني فوق طاقتي ...وكذا مره اروح لااهلي ويرجعني ...واقوله المفروض تحمد ربك ان رزقك بوحده مثلي وافقت عليك حتى ماقالت جيب شغاله لعيالك لان ابي اجرهم ...بس هو وربي يسوي اشياء يخليني انفر منهم وادري مالهم ذنب بس بسببه هو ....والحمدللهً انا طيبه معهم حتى اخليهم ينادوني ماما
وتكلمت معه بخصوص مشاكلنا وقال والله لو اتزوج الف وحده ماالقى زوجه مثلك ..دامك عارف ليه ماتشوف قيمتي !!!يكفي اني تنازلت عن اشياء كثيره عشانهم
وبصراحه افكر اني مااحمل لان احس اني ماراح اتحمله واتحمله ضغوطاته علي ..يبيني طبق الاصل من امهم وانا تعبت وبشتري راحتي
وكذا مره يقول بتغير ولا يتغير ويعرف بااشياء كثيره انه غلطان وربي مره طلبت الطلاق ورحت لااهلي جلس يبكي عندي يبيني واعترف بكل اغلاطه وانه هاضم حقي معه ولما رجعت له تغير اسبوع بعدين رجع مثل اول كل وقته معهم بسوالف ولعب وانا بس وقت الفراش ..حتى لو كذا مو لهدرجه ....بتقولون ليه ماتجلسين معهم ..وربي اجلس بس مهمشه ماكاني موجوده ضحك وسوالفً معهم كانهم ابو 20 سنه وانا ماكاني موجوده ...وربي تعبت وندمت حيييييل بس الله يعوضني يارب بالجنه
وربي يابنات اني ماافكر لهم الاذيه بالعكس مثل عيالي ودايم يمزح عليهم يقول بتزوج عليها ويقولون لا مانبي الا ماما قصدهم انا ...حطو نفسكم مكاني لو زوجك سوا فيك كذا وهم عيالك اكيد بتزعلين منه ...فما بالكم بوحده مثلي كانت راسمه حياه ورديه مثل مثل اي وحده عروس والا شافت شي
عطوني نصايحكم وربي متضايقه ...فيه اشياء غير هالمشكله بس مااقدر اقولها بس نفس الشي بسببهم ..هم مالهم ذنب بس من ابوهم الله يهديه
وانا الحين عندهم اجازة العيد وافكر اني ماارجع
فكرو بعقلكم قبل تردون علي مو بعاطفتكم ..ترا انا بعد لي حقوق احيان احسه متزوجني شغاله لعياله وبس وربي ظلم لي ولهم