مشكلتي مع زوجي ياليتكم تساعدوني

السلام عليكم ورحمة الله وبركاته

اني متزوجة وعندي بنت عمرها تقريبا اربع سنوات ونصف والآن حامل وفي الشهر الثامن

المشكله اللي اواجها مع زوجي هي انه ما اعرف شلون اوصلها لكم يحاول يلبي كثير من طلباتي ويعاملني باحترام بشرط اني ما اقرب من جواله يعني يوم امسك جواله يشتمني ويسبني ويعمل عمايل معاي وهذا التصرف شدني الى البحث وراء عصبيته من مسكي لجواله بحيث احس انه يتوجس ويخاف من شيء هو يخفيه عني وفي ثلاث مرات رايت مسجات بجواله ولما ادق على الرقم تكلمني بنات ولما اواجهه بالامر ينفر ويعصب ويعمل لي مشكله ويطلعني غلطانه وكذابه حتى بعض الاوقات اشك بنفسي واللي خلاني اكتب الموضوع هو ما حدث امس الليل حيث كنت في زيارة لاصدقاء وهو كان بالعمل وطلب مني ان ابقى عندهم الى ان يعود من العمل وياخذني ونخرج للعشاء بصحبة ابنتنا فانتظرته وبالفعل اتى واخذنا اني وابنتي معه بالسيارة فبعدها نزل وتناولت جواله واخذت اقرا اللي المسجات فرايت مسج بها كلام فهمت من خلال الكلام انه موجه لامراه فقمت في هذه اللحظة واتصلت على رقم المسج فردت علي امراه عراقيه وجلست اتكلم معها واسالها وبعدها سكرت منها ولما رجع ودخل السيارة واجهته بالمسج فانكر وقام يصارخ بوجهي فقلت له لابد ان تتصل على الرقم نفسه واتصل ولما ردت بنت كان يخاطبها وهو يقول لي انها رجل وانه صديق وكلام من هالقبيل بس اني كنت اسمع ومتاكدة مليون %انهاامراه وهي عراقيه المهم بعدها اخذ هو يصارخ واني اصارخ ولما دخلنا المنزل اخذ جواله وحذفه عالجدار من العصبية وذهب واغلق عليه غرفة النوم وتركني اني وابنتي .
واستمر على هذا الحال الى اليوم التالي.

علما باني فسرت تصرف حذف الهاتف وتكسيره لكي لا يكون هناك دليل على الحادثة فهو في كل مره لما اكتشفه في امر ما يسابقني ويخفي الدليل .
ما ادري اني محتارة هل انفصل عنه وهل تصرفي كان صحيح هل اني ظلمته بصراحه حاسه نفسي بموت من كثر التفكير .
هل اخبر اهلي علما بان اي مشكله تحصل بيننا لا اخبر احدا بها ولا حتى صديقاتي بس هالمره حاسه نفسي ضايعه وتائهة ونفسيتي تعبانه ومرهقة فلجات اليكم بعد الله فساعدوني يا اخواتي الكريمات.