مشكلتي مع ست الحسن والجمال سلفتي

السلام عليكم حبيباتي

اولا اشكر حبيبه قلبي ام الحلا لانها سمحت لي استخدم معرفها الله يخليها لعيالها ولا يحرمنا منها

ااااااااااااه من سلفتي هبلت فيني ياناس شسوي بها سيرت علي في يوم واستقبلتها احلى استقبال بقولكم كل شي عشان تكونون بصوره سويت بسبوسه وكيك كاكاو وفطاير وسمبوسه مع القهوه والعشاء كبسه لحم مع نوعين سلطه ومرق خضره وجريش وحلا للعشاء وعصير وتروح عند عمتي ثاني يوم وتقول استقبلتني اخيس استقبال وحطت لي تمر وقهوه والعشاء رز ابيض ومرق باميه ولما علمتني انقهرت وكانت لها متزوجه شهرين بس وكنت بهزئها قال زوجي طنشي وكبري عقلك اهم شي اخوي قلت ابشر وبلعتها ومرت الايام وانا بعدها اخذت موقف وصرت رسميه معها

وبعدها بفتره سيرت علي فجأه مادريت الا تطق الباب دخليتها ورحبت بها وانا منصدمه تعرفون الوحده في البيت تاخذ راحتها في البس شافتني بجامه حفر وبرمودا وبعدها انشرت عند حمواتي اني مااستحي واني لابسه شورت عند عيالي وصدقوها لدرجه عمتي قالت هذا البس البسيه في الغرفه واحرجتني بكلام ماله اول من تالي وعلمت زوجي قال اهم شي اخوي هذا الكبير طنشي وحطي عليها اكس ولاتكلمينها الا سلام وصارت بيني وبين زوجي حسبي عليها بسببها واخترت بعدين رضاه وانطميت وتجي المره الثالثه الي انفجرت فيها كنت لابسه ساعه سئلتني من وين قلت من المحل الفلاني والحمد لله هلمره في شاهد الي هي حماتي معنا ونتهى الكلام قمت اصلي وترجع تسئل بنتي وانا اسمع قالت بنتي ابوي جايبها هديه لأمي وضحكت وانا تمنيت الارض تنشق وتبلعني لاني كذبت لان زوجي مايحب اطلع اسررنا وغلطيت مافهمت بنتي المهم وتروح تقول لزوجها انا احرها واقول زوجي رومنسي وان الساعه ب3 الاف وخرابيط وشكثرها وجي حماي من الصبح وتهزئ في زوجي امسك لسان حرمتك ولاعاد تكذب المهم عرفت السالفه والكذب الي ناشرته وانا امسك عبايتي انا ساكنه بنفس شارعهم وهي ساكنه عند عماني ويحاول زوجي يردني ماقدر وماخليت ولابقيت طلعت حره سنتين وقلت ابحلف على القران عشان تصدقوني اني ماكذبت زهقت من هلمريضه وتنقز حماتي لا انا شاهده انتي ماقلتي هلكلام وانقلبت السالفه عليها ووقفوا معي حمواتي وعمتي والحمد لله انتصرت هلمره ورجعت وانا مرتاحه انها ماعاد تأذيني والقى ابو الشباب ضاف اغراضه زعلان وراح نام في الاستراحه من الخميس الى الحين مارجع ويقول انتي غلاطنه فشلتيها قدامنا واحترمها من احترا اخوي ولازم تكونين ارقى من كذا هذا اسلوب همج ماسمعتي بلمثل الي يقول الحقران يقطع المصران حتى لو انها غلطانه اسكتي مصيرها بتمل بالله هذا كلام وين كرامتي ويعني معاقبني رايح ومخليني لا وقال راضيها ارجع البيت احسه متعمد يهيني تورمت عيوني من كثر مابكيت شسوي حتى عمتي قالت ماعليك لاتراضينها ولا شي بس زوجي شسوي به حرق قلبي كيف اهون عليه بصراحه سببت مشكله بيني وبين زوجي حسبي الله ونعم الوكيل شرايكم اروح اعتذر غصب عن خشمي واشري رضا زوجي ولا اطنش ولي يصير يصير يارب اشرح صدري