مشكلتي مع سجل مكالماته

بنات اول شي ابيكم تدعولي ان الله يربط على قلبي ويثبتني احسني غارقه بالهم والحزن وحالتي كل مالها تسوء الحمدلله الذي لايحمد على مكروه سواه والشكوى لله وحده......., مرض وخيانه زوجيه وقسوه وكل هموم الدنيا تكالبت علي والله يابنات اني من كثر مااغط نفسي بالنوم كل ماسنحتلي الفرصه عشان اهرب من التفكير ان بنتي لاشافتني رايحه انام تبكي وتقول ماما لاتنامين والله يعلم انه ماهو نوم اغمض عيون بالساعات وتفكيري شغال يودي ويجيب يوم اقوم وان راسي منتفخ وانا لانمت ولا جلست مع عيالي المهم يابنات زوجي تعددت خياناته لي بكل الاساليب اكتشفت الشي هذا من تقريبا 10 سنين المهم صبرت عليه عشاني مريضه وعشان عيالي ومن فتره كنه هدا شوي لانه تعب وقبل كم يوم لقيت بجواله في السجل ارقام دوليه ويوم دقيت عليها ردو علي حريم المشكله هي انه مايعرف ان فيه شي اسمه سجل مكالمات بالجوال يكتفي بمسح المكالمه من المكالمات الصادره والوارده وانا لقيته ماسح المكالمات ولقيتها بالسجل الحين انا محتاره كيف اقوله اني لقيت مكالمات وانا بنفس الوقت ماابيه يعرف موضوع السجل عشان مايمسحه نوروني شقول فكرت اني اقوله ان فيه برنامج يطلع المكالمات الممسوحه بس حسيت انها صعبه قولولي شسوي تكفون الله يسعدكم ابي حكمتكم ورايكم بالموضوع