مشكلتي مع شعري شاركوووووووووووني

السلام عليكم ورحمة من الله وبركاتهة
بالبداية مثل ما ذكرت قبل اني عضوة يديدة في ها المنتدى ولكن كنت من اشد المتابعين لهاذا المنتدى
قصتي اقصد مشكلتي مع شعري مشكلة عويصة طبعا كان شعري طويل ونعيم وكثيف ولكن فجاة راح كل شي , المهم استوى عندي هوس خلطات وزيوت وطبعا كل الخلطات كنت اخذها من منتدى حواء واول خلطة هي
( زيت براشوت - بصل ) صراحة فادتني الخلطة وصار يطلع لي شعر صغير وصار كثيف نوعا ما وعقب بطلت اسوي الخلطة رد كل مثل قبل للاسف عقب رديت للخلطة بس صراحة مليت منها لانها خلطة مزعجة وريحتها خايسة وايد وايد وكان كل ال بالبيت يطفر منى صراحة وودرت الخلطة وما رجعت الها بعدها قمت اشتر زيوت من كل الانواع ولا فاد وعقب تركت شعري بلا خلطات بلا زيوت لين الصيف ال طاف قلت بخاطري لازم اسوي شي ومرة من المرات الصيف ال طاف حدرت الموقع وقريت موضوع عن الفيتامينات ودخلت الفكرة براسي ورحت السوق على طول واشتريت نوع من الفيتامينات ما اذكر شو اسمها صراحة بس هي فيها ( زنك) وكنت بنفس الوقت اخذ حبوب منع الدورة لاني بنفس الوقت كنت بسير العمرة ولا زم اخذها ( تعرفون ليش طبعا ) وتميت اسبوعين وانا اخذ فيهم وانا كنت في السعودية في ذاك الوقت ( للعمرة) واذكر خواتي كانو يقولون ما شاء الله يا ناعمة شعرج مكثف ومحلو وصاير روووعة ولمعة عجيبة فيه وانا لاحظت بس كنت انتظر حد يلاحظ عشان اتاكد:) ولكن بنفس الوقت كاان يطيح وووايد وايد يعني ( كان حلو ووكثيف - ويطيح وايد ) وعقب رديت البلاد وبعد ما وقفت من حبوب منع الحمل رد شعري مثل قبل وللاسوء وعقب خليته بدون شي لين وقت عرس اختي قلت لازم اسوي شي وخذيت فيتامينات مرة ثانية وخذيته مدة شهر ووقفت واستوى كثيف وحلو وتركت الفيتامينات وتميت اسبوع بدون شي وعقبها خذيت( الحبة السوداء) تميت اخذها كورس كامل وبنفس الوقت كنت ازيت شعري بزيت ناريل يوم واحد في الاسبوع لمدة كورس كامل وما زلت استخدمه شعري الحمد الله كثف ولكنه وايد ناشف وايد بس يالله الحمد الله استوي كثيف