الله يعينك اختي... :(
والله انه الخدامات مشكلتهم مشكله... بس مع الاسف مانقدر انعيش بدونهن...
نصيحه مني .. من دامك حصلتي عندها تلفون معناتها انها تعرف احد في البلد.. والي تعرف احد في البلد الصراحه ينخاف منها وخاصة لانه عندك بنت صغيره الله يخليها لك...
كان عند قرايبنا فلبينيه ما احد كان احسن منها... ولكن في يوم حصلوا عندها موبايل وطلعت متزوجه من وراهم وهم مايدرون واتدخل زوجها البيت... ويوم عرفت انهم بيسفروونها شردت من البيت ولين اليوم الشرطه مب محصلتها..
نصيحتي لج اختي لا تخلينها عندك وشليها المكتب وخلهم يسألونها من وين لها الموبايل وليش ماتبي تشتغل...ومن دامها ماتريد تشتغل لازم المكتب يغيرها لك ونصيحه لك لا تجيبيين ابدا فلبينيه لانهم اختربوا كلهم..
ومن اتجيبين الجديده من اول يوم قوليلها عن شروطك كلها وقدام صاحب المكتب..
اسمحيلي طولت عليك.. بس الله يكون في عونك اختي

مشكوره بنت دار زايد على نصيحتك

تحياااااااااااتي

الفليبنيه هذي عيبها

تبغى جوال وما تبي احد يقولها لا

اعرف كثير ناس يسمحون بالشي هذا لكن يمنعونها تستخدمه داخل البيت واوقات شغلها

بس مو هنا المشكله

المشكله من وين لها الجوال

ولاا تستغربين يمكن تعلاف احد وصله لها

او اتصلت فعلا على المكتب ومسحت الرقم من الكاشف

انا من النوع اللي ما ارتاح للجوال واضحي بالشغاله ولابراحه بالي

رجعيها للمكتب وبدليها

او توصلوا معها لحل وسط

صراحه غريبه سالفة هالجوالات عندكم؟
احنا الشغالات اللي يجونا مهما كانوا جنسياتهم ما يجيبون سيرة الجوال!
بس ما نقصر معاهم اذا يبون يكلمون اهلهم نخليهم يشترون كرت اتصال دولي
ونخليهم يدقون من تلفون البيت
وهم الحمدلله يستانسون : \
وانا ضد فكرة الشغاله اللي لازم يكون معاها جوال !!
اذا المكاتيب ( الرسايل ) رايحه جايه شهريا !! فليش الجوال ؟!
على العموم الله يعينك على خدامتك شكلها ماتبي تشتغل ماتبي الا الجوال
فإذا خليتيها تشتغل واهي موراضيه خاف تسوي شيء في بنتك اسم الله عليها
فخليها تروح واخذي غيرها حتى لو مسترجعه يمكن تطلع احسن منها
على العموم الامر بيدك حبيبتي وآسفه على قرقرتي :)

انصحك تبدلينها الحين دام المكتب يتحملها .. لانه تخافين تكمل عندك ثلاث شهور بعدين ترفض العمل وتسير الخسارة عليك ..
وانتي استخيري الله قبل اي شي والله يوفقك عيوني