سوسنا @sosna
عضوة نشيطة
مشكلتي مع شكلي/ قديم
السلام عليكم ورحمه الله وبركاته
اخواتي انا عندي مشكله مع نفسي بصراحه وهي اني مهما حاولت انسى اني انسانه عاديه واتكيف واقتنع بهالشئ مااقدر يعني انا في الحقيقه بنت عاديه تقدرون تقولون عني مملوحه لكن مافيني المواصفات العالميه للجمال الي هي البياض والطول علشان كذا مااعتبر جميله ولاحتى اي احد ينتبه لي في اي مكان اروح له
يعني انا الي زاد المشكله سوء عندي هو تأخري بالزواج الى ان وصلت الثلاثينيات وبعد قله خطابي وحتى الي خطبوني ماشافوني زي كل البنات في حفله او عزيمه وعجبتهم وجوا يخطبوني لآ يكونون ناس جايين عن طريق احد ويقولون نجي نشوفك صرت اقول اكيد من شكلي
غير انه دائما لما احضر حفلات واعراس وعزايم واشوف البنات ماشاء الله بأقل مجهود وزينه وطالعين حلوين اتحسر على نفسي والله احيانا استخسر على نفسي الزينه في المشاغل او حتى اللبس واقول يعني اللبس او مكياج المشاغل هو الي بجملني اكيد لآ الاساس هو الملامح يعني في النهايه خساير فلوس على الفاضي والله اني اتفشل من اهلي واخواني كل بعد حفلة زواج في العائله بين قرايبنا يعني لازم ينخطبون اغلب البنات الا انا احضر الحفله واطلع منها مثل مادخلت مااحس اني الفت النظر مع اني البس حلو واصلح شعري ومكياجي وشكلي يكون مرتب وعلى الموضه بس انا احس المشكله في ملامحي لاني مو بيضاء ولا طويله
ولما اصور واشوف صوري اكره نفسي بجد احس اني مو انا بالعكس احس الصور شييييييييينه بالمره
والله لما اشوف متزوجات وهم مو جميلات او حتى مملوحات ماشاء الله اغبطهم اقول ماشاء الله ارتاحوا من هم الزواج ومن هم يمكن اعجبه يمكن لآ لقوا احد يرضى فيهم ولا ام او اخت تعقد الامور وتقول لآ هذي سمراء او قصيره
تعبت من هالشئ وتعبت نفسيتي مع اني اكابر قدام الناس ولا احسسهم بهذا الشئ بالعكس مسويه ثقتي كبيره بنفسي وهي خرطي وياما قفلت على نفسي وبكييييييييييييييييت من هالسبب خاصه لما احضر عزيمه واشوف كيف الناس مبهورين بالجميلات وكيف يعاملونهن والسوالف والاحترام لهن والي مثلي تجلس كأنها مسويه ذنب مالها يد فيه واسمع المدح للجميلات وانا مافيه احد يمدحني حتى لو بالغلط
تدرون وشي مشكلتي الحقيقه اني مو قبيحه بالعكس انا عاديه مافيه شئ تكرهينه بوجهي الحمد لله لكن مااعتبر جميله وهالشئ هو الي متعبني لاني اشوف كثير بمستواي ومتزوجات ماشاء الله يعني لقوا في من يرضى فيهم واجلس اقول طيب وانا ليه مافيه وحده اعجبتها وتجي تخطبني لولدها او اخوها ليه انا عايشه في مجتمع يتشرط تصدقون قرايبنا مجتمع ظالم الام والاخت تلاقينها تختار لولدها البيضاء والطويله حتى لو هي نفسها ماتملك الصفات وحتى لو كان ولدها مافيه مواصفات مرغوبه بس مع ذلك يطيحون ويقومون عند البيضاء والطويله وطبعا مافيه عندنا رؤيه شرعيه علشان كذا الرجال والشباب معتمدين اعتماد كلي على اختيار الام او الاخت وهذولا كل وحده تبي تختار افضل شئ علشان تتفاخر فيها بين الناس اذا حضرت الزواجات وعلشان يقولون هذي زوجه ولد الفلان
اما الي مثلي الله يعين
77
21K
هذا الموضوع مغلق.
الواثقة من نفسها
•
الله يكبر حضك ويرزقك الزوج الصالح وجميع من تتمنى
هدي باااااااااااالك ولاتخلي انطباع ان الناس لازم يمدحونك ..شوفي نفسك حلووة وانتي بنفسك تقولي مافي شي يعيب شكلي او تكرهينه فيك في احلى من كذا عن نفسك ..اذا بتنتطري الناس يعطونك الدعم المعنوي منتي لاقيه شي منهم الا الاحبااااط والتعب ..ثقي في نفسك ولا تستخسري الكلمه الحلوة لشخصيتك وشكلك عشان تقوي نفسك حبيبتي ولاتسلمي حياتك للناس بتندمي واشكري الله الذي احسن خلقك ..
الصفحة الأخيرة