السلام عليكم ورحمه الله وبركاته
كيفكم ياحلوات
حبيت اشكي لكم همي لان مالي غير الله ثم انتم وقلت اكيد خواتي بالمنتدى بنصحوني
انا صاحبتي كنت انا وهي مثل الاخوات بحكم انا ازواجنا اصحاب ومن علاقه ازواجنا ببعض قويت علاقتي معها وصرت اشوفها بشكل شبه يومي وبعد سنه حسيت البنت تغيرت وصارت تتهرب من اتصالاتي ورسائلي ماترد وصرت اشيل همها اقول لتكون تعبانه ولا لتكون زعلانه لان مثل الأخوات نخاف على بعض بس مدري وش فيها مع اني كنت لها الاخت والصاحبه وكل شي اسراري عندها واسرارها عندي ماعمري وثقت في احد قدها وصارت تقول كلام عند زوجها عني وزوجها مايسكت يقول لزوجي واحيانا انصدم يقول لي زوجي كلام يكون انا قلته معاها واذا سالته وش عرفك يقول زوج فلانه قالي والله يابنات ضاق صدري وندمت على ثقتي فيها ومتحسفه على صداقتنا بس انا العشره عندي ماتهون ومابي اخسرها لكن والله يابنات لي شهرين ادق عليها وماترد ولا اتصلت فيني ماني مصدقه اللي صار معاي والحين صحباتي الثانيات يكلموني ويسالوني عنها وماعرف ارد عليهم وماابي افرح احد فينا لان في بنات ينقهرون لما يشوفونا مع بعض وانا علاقتنا قويه مع بعض
احس أن علاقتي معاها انتهت وهذي المشكله خلتني مااثق في اي شخص وقلت بكون مع اي احد رسميه مع انه مو طبعي :icon33:
مدري يابنات وش تنصحوني :( :(
تكفون لاتطنشوني ماني قادره انام بس افكر فيها معليش طولت عليكم
همسات 66 @hmsat_66
عضوة فعالة
يلزم عليك تسجيل الدخول أولًا لكتابة تعليق.
في عيون زوجي
•
والله حاسه فيك لان الموقف هذا صاير لي مع وحده من الصديقات بس مافي اسرار قلناها لبعض فجأه اقطعت من نفسها كل ماا تصل عليها ماترد قلت دام المساله كذا ولاجاهامني شر والله ماجاها الاكل خير مني ولااذكر اني اسأت لها قلت بسلامتها ماتشوف شر اهم شي ان الواحد ما غلط واكيد انتي عارفه نفسك وحاسبتي نفسك كثير انه ماجاها شر منك خلاص ريحي بالك يمكن فيها خيره لك مادام انها تنقل كلامكم لزوجها وزجها ملقوف ايش دراك يمكن يبغوا يوقعوا بينك وبين زوجك الدليل نقل الكلام والباب الي تجيك منها الريح سده واستريح انا ادري انه لما احد يبي يبعد عنك بدون سبب انه شي يقهر بس الله العالم ايش الخيره فيه والناس الي تزعل من نفسها خليه يزعل ليييييييين يطق راسه .
الصفحة الأخيرة