مشكلتي مع صديقتي ماني عارفه شلون اتعامل معاها ؟؟؟

بسم لله الرحمن الرحيم

السلام عليكم و رحمة الله وبركاته

بصراحه يا بنات انا عندي مشكله صغيره انا تعرفت على بنت اكبر مني ب 4 سنوات حليوه و حبوبه و من عايله زينه

المشكله ان هالبنت تكلم عيال تكلم بس 3 شباب على الماسنجر وانا اعرفها زين اهي دايم تقولي ان العلاقه على النت وبس مستحيل تتطور على التلفون او شي غيره وبصراحه انا واثقه من هالشي لانها متربيه زين

انا كم مره صار بيني وبينها نقاش واتهاوش وياها وازعل عليها ونقعد ايام متهاوشين والسبب هذا الموضوع بس انا بصراحه ماني عارفه كيف اتصرف معاها ودايم احاول ابعدها عنهم مره صارت سالفه كبيره شوي وبعدين راحت سوت لها ايميل ثاني عشان ما يكونون فيه وبعد فتره عرفت انها تدخل على ايميلها القديم وتسولف معاهم المهم اني في مره وصلت حدي وقلت لها يا انا يا اهم قالت اكيد انتي يعني انهم ولا شي عندها وبعدين اليوم سالتها من معاك على الماسنجر قالت بنت وولد قلت تكلمينه قالت اي قلت لها كيفك ترى تعبت وانا احاول فيك وقلت لها تراك طحتي من عيني لانها وعدتني وعد انها ما تكلم اي ولد ولا تدخل على ايميلها القديم بعدين لما سالتها ليه كلمتيه قالت لي اهو اللي كلمني .. اهي صديقتي وبصراحه انا خايفه عليها المهم شكلها زعلت وعصبت وقالت لي اسبوع ماراح تشوفيني ولا تسالين عني احد وكذا من هالكلام اهي تحبني مليووووون بالميه وصديقتي انا بس قصدي اني اخاف عليها واهي تدري بس اهي كله تقول عادي كلام على الماسنجر ما يعرفون عني شي و دايم توعدني انه ماراح يتطور ابدد وانا واثقه من هالشي انا مو متضايقه من هالشي بس انا ماابيها تتكلم معاهم لان علاقتها معاهم حرام

البنت من عايله زينه وااخوانها يعني محترمين بس بصراحه ماابي اخسرها ولاابي اضغط عليها ولا ابي اتحاسب معاها واهي تدري ان اللي تسويه مايعجبني

اهي تسمع مني و تسمع كلامي بس ماني عارفه شلون اتعامل معاها ؟؟وشلون اقنعها
ماابي اضغط عليها وتزهق وتكره تصرفاتي او تاخذها على اني اتحكم فيها وبعد اللي تسويه ما يعجبني ابي حل لو سمحتواااااااا
اتمنى تردون علي و لا تخيبون ظني ..